تالدىقورعاندا قوعامدىق كولىك وتقا وراندى

None
None
تالدىقورعان. قازاقپارات- تالدىقورعاندا كوشەنىڭ قاق ورتاسىندا قوعامدىق كولىك وتقا وراندى. اۆتوبۋس تولىقتاي جانىپ كەتتى. ابىروي بولعاندا زارداپ شەككەندەر جوق، - دەپ حابارلايدى قازاقپارات ءتىلشىسى.

«228- باعىتتاعى اۆتوبۋس نازاربايەۆ داڭعىلىنىڭ بويىندا وتقا وراندى. الدىن الا بولجام بويىنشا، ءورت سىمداردىڭ قىسقا تۇيىقتالۋىنان بولعان. كولىك جانىپ كەتتى. زارداپ شەككەندەر جوق»، - دەدى تالدىقورعان قالالىق كولىك جانە اۆتوموبيل جولدارى ءبولىمىنىڭ باسشىسى نۇرباقىت التىنبەكوۆ.

ءبولىم باسشىنىڭ ايتۋىنشا، اۆتوبۋس «ترانستالل» جاۋاپكەرشىلىگى شەكتەۋلى سەرىكتەستىككە تيەسىلى. قازىرگى ۋاقىتتا قىزىل جالىنعا ورانعان كولىك اتالعان سەرىكتەستىكتىڭ ايماعىنا جەتكىزىلگەن. ءورتتى توتەنشە جاعدايلار قىزمەتىنىڭ ماماندارى سوندىرگەن.

اۆتور: سامال قابىشەۆا

سوڭعى جاڭالىقتار