قىرعىزستان: سادىر جاپاروۆتىڭ ۇلىقتاۋ ءراسىمى قاشان وتەتىنى بەلگىلى بولدى

بۇل تۋرالى قازاقپارات «كابار» اقپاراتتىق اگەنتتىگىنە سىلتەمە جاساپ حابارلايدى.

جارلىققا سايكەس، جاڭادان سايلانعان پرەزيدەنتتىڭ قىزمەتكە كىرىسۋىنە بايلانىستى 2021 -جىلدىڭ 28-قاڭتارىندا وتەتىن سالتاناتتى راسىمگە دايارلىق جانە ونى وتكىزۋ جونىندەگى ۇيىمداستىرۋ كوميتەتى قۇرىلدى. كەشە ق ر ورتالىق سايلاۋ كوميتەتى قىرعىزستان رەسپۋبليكاسى پرەزيدەنتىن مەرزىمگە دەيىن سايلاۋ قورىتىندىلارى تۋرالى حاتتامانى بەكىتتى.

داۋىس بەرۋ قورىتىندىلارىنا سايكەس، ق ر پرەزيدەنتى قىزمەتىنە كانديدات سادىر جاپاروۆ 1105248 (79,20 پايىز) داۋىس جينادى، بۇل سايلاۋعا قاتىسقان سايلاۋشىلاردىڭ جارتىسىنان كوبىن قۇراپ وتىر.

اۆتور: زارينا تۋعانبايەۆا