كوروناۆيرۋس جۇقتىرۋ قاۋپىن پروفيلاكتيكا جانە ۆاكسينا جۇرگىزۋ ارقىلى ازايتۋعا بولا ما

None
None

الماتى. قازاقپارات - الماتى قالاسىنىڭ وڭىرلىك كوممۋنيكاتسيالار قىزمەتىنە بەرگەن سۇحباتىندا مەديتسينا عىلىمدارىنىڭ دوكتورى، س. د. اسفەندياروۆ اتىنداعى قاز ۇ م ۋ جۇقپالى جانە تروپيكالىق اۋرۋلار كافەدراسىنىڭ پروفەسسورى كۇلاش قۇرمانوۆا الەمدەگى كۇردەلەنە تۇسكەن ەپيدەميالىق احۋال اياسىندا ۆاكسيناتسيالاۋدىڭ ماڭىزدىلىعى تۋرالى ايتتى، دەپ حابارلايدى قازاقپارات ءتىلشىسى.

- كۇلاش بايسەيح قىزى، الەمدەگى ەپيدەميولوگيالىق جاعدايدى قالاي باعالايسىز؟ وسى تۋرالى ايتىپ بەرىڭىزشى.

- الەمدەگى ەپيدەميالىق جاعداي كۇردەلى. قازىرگى تاڭدا ك ۆ ي- دەن 2 ميلليوننان استام ادام قازا بولدى. ۇلى بريتانيادا جاڭا شتامم پايدا بولدى، ول الدەقايدا باسەڭدەۋ، دەگەنمەن تارالۋ قارقىنى جوعارى (COVID-19-عا قاراعاندا اينالاسىنداعىلارعا ءجيى جۇعادى).

- الماتىداعى جاعداي قانداي؟ ءسىزدىڭ ويىڭىزشا، تومەن تەمپەراتۋرا ەپيدەميالىق جاعدايعا اسەر ەتتى مە؟

- الماتى قالاسىنداعى جاعداي دا كۇردەلى. 21-قاڭتاردا ءبىر تاۋلىكتىڭ وزىندە اۋرۋدى جاڭادان جۇقتىرعان 115 ادام تىكەلدى. قازىرگىدەي تومەن تەمپەراتۋرادا، ارينە، جوعارعى تىنىس جولدارىنىڭ جەرگىلىكتى قورعانىس فاكتورلارى تومەندەگەننەن كەيىن (شىرىشتى قاباتتاردا سەكتورلى يممۋنوگلوبۋلين IgA مولشەرى ازايادى، بۇل قوزدىرعىشتىڭ ەپيتەلي جاسۋشالارىنا جابىسۋ مۇمكىندىگىن تەجەيدى جانە ۆيرۋستى، ليزوتسيمدى جويادى) رەسپيراتورلىق ينفەكسياسى بار ادامداردىڭ ءجيى اۋرۋعا شالدىعۋىنا اكەلەدى. جۇقتىرعان ادام جوتەلگەندە نەمەسە تۇشكىرگەندە ۇساق بولشەكتەردى شىعارعاندا ۆيرۋس ادامنان ادامعا اۋا تامشىلارى ارقىلى وعاي بەرىلەدى. ەپيدەمياعا قارسى شارالاردى جۇرگىزۋ ارقىلى COVID-19 ينفەكسياسىنىڭ قاۋپىن بارىنشا ازايتۋعا بولادى. COVID-19 الدىن الۋ ءۇشىن جەكە گيگيەنا ەرەجەلەرىن ساقتاۋ قاجەت. ءبىر رەتتىك بەتپەردەنى قولدانۋ، دەزينفەكسيالاۋ شارالارى، كەم دەگەندە 1,5-2 مەتر الەۋمەتتىك اراقاشىقتىقتى ساقتاۋ. يممۋندىق پروفيلاكتيكا قاجەت - بۇل كوروناۆيرۋس ينفەكسياسىنا قارسى ۆاكسيناتسيا.

- تۇماۋعا قارسى ۆاكسيناتسيا قانشالىقتى ماڭىزدى؟ اكىم باقىتجان ساعىنتايەۆتىڭ تاپسىرماسى بويىنشا قالادا ج ر ۆ ي مەن تۇماۋعا قارسى 430 مىڭ دوزا ۆاكسينا ساتىپ الىندى، ولار ءتيىستى ساناتتاعى ازاماتتارعا تەگىن جەتكىزىلدى. ءسىزدىڭ ويىڭىزشا، بۇل ەپيدەميالىق جاعدايدىڭ سالىستىرمالى تۇراقتىلىعىنا اسەر ەتۋى مۇمكىن بە؟

- تۇماۋعا جانە ج ر ۆ ي- عا قارسى ۆاكسينالاردىڭ 430 مىڭ دوزاسى ج ر ۆ ي مەن سىرقاتتانۋدىڭ جالپى تومەندەۋىنە اسەر ەتتى. الايدا ۆاكسيناتسيالانعان دەنەدە ولار ك ۆ ي اقۋىزدارىنان قورعايتىن انتيدەنەلەر تۇزبەگەن. قاراعاندىدا شىعارىلاتىن Sputnik V ۆاكسيناسى كوروناۆيرۋس ينفەكسياسىن ازايتۋعا اسەر ەتەدى.

- قازىر ۇلى بريتانيادا كوروناۆيرۋستىڭ جاڭا ءتۇرى تارالۋدا. بۇقارالىق اقپارات قۇرالدارىنىڭ حابارلاۋىنشا، وزگەرگەن ۆيرۋستى عالىمدار انىقتاعان جانە ول ينفەكسيانىڭ تەز تارالۋىمەن بايلانىستى بولۋى مۇمكىن. ۆيرۋستىڭ مۇنداي مۋتاتسياسى قازاقستاندا بولۋى مۇمكىن بە؟

- ۇلى بريتانيادا انىقتالعان كورناۆيرۋستىڭ جاڭا ءتۇرى حالىق اراسىندا تەز تارالىپ جاتقانىن ب ا ق حابارلاۋدا. قازاقستان مەن ۇلى بريتانيا اراسىنداعى اۋە قاتىناسى جاعدايىندا COVID-19 جاڭا شتاممىنىڭ تارالۋى ىقتيمالدىلىعى ساقتالادى. مۇنداي مۇمكىندىكتى بولدىرماۋ ءۇشىن ءبىزدىڭ ەلگە جولاۋشىلار كەلگەن كەزدە اۋەجايدا ەپيدەمياعا قارسى ءىس-شارالاردى جۇرگىزۋ قاجەت (پ ت ر تەستى ءۇشىن مۇرىننان جۇعىندى الۋ، دەنە تەمپەراتۋراسىن ولشەۋ، كارانتيندى ساقتاۋ). قۇرامىندا ر ن ق بار كوروناۆيرۋس وتە وزگەرمەلى سيپاتتا بولادى. ءار ءتۇرلى فاكتورلاردىڭ اسەرىنەن كوروناۆيرۋس مۋتاتسياعا ۇشىراۋى مۇمكىن.

- الەمدە جانە ءبىزدىڭ ەلىمىزدە قازىردىڭ وزىندە COVID-19-عا قارسى ۆاكسيناتسيالاۋ جۇمىستارى جۇرگىزىلۋدە. جاپپاي ۆاكسيناتسيا 1-اقپاندا باستالادى. ءسىز بۇعان قانداي تۇسىنىكتەمە بەرەر ەدىڭىز؟

- رەسەي مەن الەمنىڭ بىرنەشە ەلدەرىنىڭ تۇرعىندارى كوروناۆيرۋسقا قارسى ۆاكسيناتسيادان ءوتىپ جاتىر. COVID-19-عا قارسى ۆاكسينا قاناعاتتانارلىق تۇردە ءتوزىمدى، ەگەر ۆاكسيناتسيا ەرەجەلەرى ساقتالسا، جاناما اسەرلەر وتە سيرەك كەزدەسەدى. ءبىزدىڭ ەلدىڭ تۇرعىندارىنا ۆاكسيناتسيا قاجەت دەپ سانايمىن.

- اڭگىمەڭىزگە راحمەت!

اۆتور: گۇلميرا ءعوسمانالي

سوڭعى جاڭالىقتار