ماڭعىستاۋ تۇرعىنىنىڭ ۆاكسينادان كەيىن قايتىس بولعانى راس پا

None
None
نۇر-سۇلتان. قازاقپارات - الەۋمەتتىك جەلىلەردە ماڭعىستاۋ وبلىسى تۇرعىنىنىڭ ۆاكسينادان كەيىن قايتىس بولعانى تۋرالى اقپارات تاراعان ەدى.

ق ر د س م سانيتاريالىق- ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ بۇل اقپاراتتىڭ جالعان ەكەنىن ايتتى، دەپ حابارلايدى قازاقپارات ءتىلشىسى.

«ماڭعىستاۋ وبلىسى مۇنايلى اۋدانى باتىر اۋىلىنىڭ تۇرعىنى ۆاكسينا سالدىرعاننان كەيىن قايتىس بولدى دەگەن اقپارات جالعان. Facebook الەۋمەتتىك جەلىسىندە جاريالانعان 1978 -جىلى تۋعان ەر ادام وسى جىلدىڭ 19-قاڭتارىندا قان قىسىمىنىڭ كوتەرىلۋىنە بايلانىستى قايتىس بولعان. ول ەشقانداي ۆاكسينا سالدىرماعان. بۇگىنگى كۇنى ماڭعىستاۋ وبلىسىنا كوروناۆيرۋس ينفەكسياسىنا قارسى ۆاكسينا جەتكىزىلمەگەن. ۆاكسينانىڭ ءبىرىنشى پارتياسىن ايماققا جەتكىزۋ 2021 -جىلدىڭ 28-29 -قاڭتارىنا جوسپارلانعان. ءبىرىنشى كەزەكتە جۇقپالى اۋرۋلار اۋرۋحانالارىنىڭ، جەدەل مەديتسينالىق جاردەمنىڭ، رەانيماتسيانىڭ، م س ا ك- تىڭ، قابىلداۋ بولمەلەرىنىڭ، سانەپيدقىزمەت ماماندارىنىڭ مەديتسينا قىزمەتكەرلەرى ۆاكسينامەن قامتىلاتىنىن اتاپ وتەمىز. قايتىس بولعان ازامات وسى ساناتتاردىڭ ەشقايسىسىنا جاتپايدى»، - دەپ حابارلادى كوميتەتتەن.

كوميتەت ق ر قىلمىستىق كودەكسىنىڭ 274-بابىنا سايكەس كورىنەۋ جالعان اقپارات تاراتۋ 1000 ا ە ك- كە دەيىنگى مولشەردە ايىپپۇل سالۋعا نە 1 جىلعا دەيىنگى مەرزىمگە شەكتەۋگە نەمەسە ودان ايىرۋعا جازالاناتىنىن ەسكە سالادى.


اۆتور: ايان بەكەن ۇلى


سوڭعى جاڭالىقتار