توكيو وليمپياداسىنا ىرىكتەۋ: سۋ دوبىنان ايەلدەر قۇراماسى ەكىنشى رەت جەڭىلدى
ويىن بارىسىندا ۆەنگريالىق ۆاتەرپولشى قىزداردىڭ باسىمدىعى ايقىن اڭعارىلىپ تۇردى. ءبىرىنشى كەزەڭدە ۆەنگريالىقتار 7:2، ودان كەيىن 6:3 ەسەبىمەن جەڭدى.
ءۇشىنشى جانە ءتورتىنشى كەزەڭدە ولار 5:1، 5:0 ەسەبىمەن تاعى دا باسىمدىق تانىتتى.
ناتيجەسىندە قازاقستان قۇراماسى قارسىلاسىنا 6:23 ەسەبىمەن ەسە جىبەردى.
ەستەرىڭىزگە سالا كەتەلىك، قازاقستاندىق ۆاتەرپولشى قىزدار B توبىندا سىنعا ءتۇسىپ جاتىر. قارسىلاستارى - گرەكيا، ۆەنگريا جانە يزرايل قۇرامالارى.
بۇگىن گرەكيا مەن يزرايل ۆاتەرپولشىلارى دا شەبەرلىك بايقاسادى. كەشە قۇرامامىز گرەكيادان 5:13 ەسەبىمەن جەڭىلىپ قالدى . سول كۇنى يزرايل قۇراماسى ۆەنگرياعا 2:27 ەسەبىمەن ىعىنا جىعىلدى.
ەندى قازاقستاندىق سپورتشىلار 21 - قاڭتاردا يزرايلمەن وينايدى. ال گرەكيا مەن ۆەنگريا ءوزارا مىقتىنى انىقتايدى.
ايتا كەتەلىك، قازاقستان قۇراماسى وليمپيادادا ەكى مارتە باق سىنادى . اتاپ ايتقاندا، 2000-جىلى - 6، 2004-جىلى - 8- ورىن الدى.