17:03, 20 - قاڭتار 2021 | GMT +6
قانات يسلامنىڭ جەكپە- جەگى تاعى دا كەيىنگە شەگەرىلدى
نۇر- سۇلتان. قازاقپارات - قازاقستاندىق بوكسشى قانات يسلامنىڭ (27-0,21 ك و) رينگكە ورالۋى تاعى كەيىنگە قالدىرىلدى، دەپ حابارلايدى قازاقپارات Sports.kz سايتىنا سىلتەمە جاساپ.
بۇعان دەيىن BoxRec.com پورتالى «قازاقتىڭ» كەلەسى جەكپە- جەگى 20 - اقپان كۇنى ماياميدە (ا ق ش، فلوريدا شتاتى) ءوتۋى بەلگىلەنگەنى جايىندا اقپارات بەرگەن. الايدا بەلگىسىز ءبىر سەبەپتەرگە بايلانىستى جەكپە- جەك كەيىنگە شەگەرىلگەن.
بۇعان دەيىن قازاقستاندىق بوكسشى وتكەن جىلدىڭ 16- قازانىندا، امەريكانىڭ پلانت- سيتي قالاسىندا رينگكە شىعۋى ءتيىس ەدى، ءبىراق بۇل كەزدەسۋ كەيىنگە قالدىرىلعان بولاتىن. قانات يسلامنىڭ وسى كۇنگە دەيىنگى سوڭعى جەكپە جەگى 2019 -جىلدىڭ 26 - قازانىندا الماتى قالاسىندا ءوتتى. وندا ول تورەشىلەردىڭ ءبىراۋىزدان قابىلداعان شەشىمىمەن ناميبيا بوكسشىسى ۋولتەر كاۋتوندوكۆانى (18-2، 17 كو) جەڭىپ، ورتا سالماقتا WBO International تيتۋلىن قورعاپ قالعان ەدى.
اۆتور: زارينا تۋعانبايەۆا