08:30, 19 - قاڭتار 2021 | GMT +6
قازاقستاندىق وليمپيادا چەمپيونى دوپينگ ءۇشىن سپورتتان شەتتەتىلدى
نۇر- سۇلتان. قازاقپارات - اۋىر اتلەتيكادان 2016 -جىلعى وليمپيادا چەمپيونى، قازاقستاندىق نيدجات راحيموۆ دوپينگكە قارسى ەرەجەلەردى بۇزعانى ءۇشىن ۋاقىتشا سپورتتان شەتتەتىلدى، دەلىنگەن حالىقارالىق اۋىر اتلەتيكا فەدەراتسياسىنىڭ (IWF) سايتىندا.
بۇل تۋرالى قازاقپارات Sports.kz سايتىنا سىلتەمە جاساپ حابارلايدى.
نيدجات راحيموۆ 2016 -جىلى ءزار تالداۋىن الماستىردى دەپ ايىپتالۋدا. ءدال وسىنداي ايىپپەن 2017 -جىلعى ەۋروپا چەمپيونى دۋميترۋ كاپتاري دا سپورتتان ۋاقىتشا شەتتەتىلدى. ريو- دە- جانەيرودا وتكەن وليمپيادادا نيدجات راحيموۆ 77 كەلىگە دەيىنگى سالماق دارەجەسىندە جەڭىسكە جەتىپ، 2015 -جىلى الەم چەمپيونى اتاندى. 27 جاستاعى راحيموۆ 2013 -جىلى دا دوپينگكە قارسى ەرەجەلەردى بۇزعانى ءۇشىن ەكى جىلعا شەتتەتىلگەن بولاتىن.