«ەگەمەن قازاقستان» گازەتىنە باس رەداكتور تاعايىندالدى

عابيت ىسكەندەر ۇلى مۇسىرەپ قاراقالپاقستاننىڭ تاقتاكوپىر اۋدانىندا دۇنيەگە كەلگەن. ءال- فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن ءتامامداعان. ەڭبەك جولىن 1992 -جىلدان، ياعني V كۋرستان باستاپ «ەگەمەن قازاقستان» جالپى ۇلتتىق رەسپۋبليكالىق گازەتىندە جۇمىس ىستەپ باستاعان. قازاق باسپا ءسوزىنىڭ قاراشاڭىراعىندا ءتىلشى، اعا ءتىلشى، شولۋشى، ءبولىم مەڭگەرۋشىسى، ودان ءارى باس رەداكتوردىڭ ورىنباسارى قىزمەتتەرىن اتقاردى. بۇعان دەيىن «نۇر استانا» رەسپۋبليكالىق جاستار اپتالىعىنىڭ باس رەداكتورى قىزمەتىندە بولعان.

«دارىن» مەملەكەتتىك جاستار سىيلىعىنىڭ يەگەرى عابيت مۇسىرەپتىڭ «رۋحىڭدى تۇسىرمە، ۇلىم» (2010 -جىل) اتتى پۋبليتسيستيكالىق شىعارمالار جيناعى جارىق كورگەن.

ايتا كەتەيىك، بۇعان دەيىن باسقارما ءتوراعاسىنىڭ ورىنباسارى - باس رەداكتور قىزمەتىن اتقارىپ كەلگەن ايبىن شاعالاق «ەگەمەن قازاقستان» ر گ ا ق ءتوراعاسىنىڭ ورىنباسارى قىزمەتىنە تاعايىندالدى.