الماتىدا ينفەكسيالىق اۋرۋحانا قاراجاتىن جىمقىرۋعا قاتىستى تەرگەۋ باستالدى

None
None
الماتى. قازاقپارات - الماتىدا ك ۆ ي گوسپيتالىنىڭ قۇرىلىسىنا بولىنگەن قاراجاتتى جىمقىرۋ دەرەگى بويىنشا سوتقا دەيىنگى تەرگەۋ امالدارى باستالدى، دەپ حابارلايدى قازاقپارات ءتىلشىسى.

«16 - قاڭتاردا دەپارتامەنت الماتىدا كوروناۆيرۋسپمەن كۇرەستى كۇشەيتۋ ماقساتىندا سالىنعان مودۋلدى اۋرۋحانا قۇرىلىسىنا بولىنگەن قاراجاتتى جىمقىرۋعا بايلانىستى ق ر ق ك 189-بابىنىڭ 4- ءبولىمى بويىنشا تەكسەرۋدى باستادى. قازىر ءىستىڭ ءادىل تەرگەلۋىن قامتاماسىز ەتۋ ءۇشىن قىلمىستىق ءىس بويىنشا ق ر ق پ ك 24-بابىنا سايكەس تەرگەۋ جۇرگىزىلىپ جاتىر» دەدى الماتى بويىنشا سىبايلاس جەمقورلىققا قارسى قىزمەت وكىلدەرى.

قىلمىستىق پروتسەسسۋالدىق كودەكستىڭ 201-بابىنا سايكەس سوتقا دەيىنگى ءىس مالىمەتتەرى قۇپيا بولىپ وتىر. ءبىز مۇنىڭ الدىندا قالالىق جايلى ورتا باسقارماسىنىڭ باسشىسى ساپار نۇراشيەۆكە قاتىستى سوتقا دەيىنگى تەرگەۋ باستالعانىن حابارلاعان بولاتىنبىز.

280 ورىندىق ينفەكسيالىق اۋرۋحانانى ساۋىردە BI Group كومپانياسى سالىپ تاپسىرعان بولاتىن. قۇرىلىس جۇمىستارىنا 5,5 ميلليارد تەڭگە جۇمسالدى.

اۆتور: گۇلميرا عوسمانالي

سوڭعى جاڭالىقتار