كولىك پوليتسەيلەرى جولاۋشىلاردىڭ مازاسىن العان جۇرگىزۋشىلەردى جاۋاپقا تارتىپ جاتىر

None
None
نۇر-سۇلتان. قازاقپارات - بيىلعى جىلدىڭ باسىنان بەرى ەلىمىزدىڭ اۋە جانە تەمىر جول كولىگى نىساندارىندا قوعامدىق ورىنداردا جولاۋشىلاردىڭ مازاسىن العانى ءۇشىن 81 ازامات اكىمشىلىك جاۋاپقا تارتىلدى.

«ونىڭ ىشىندە 15 ى زاڭسىز تاكسي جۇرگىزۋشىسى بار»، - دەپ مالىمدەدى كولىكتەگى پوليتسيا دەپارتامەنتى باستىعىنىڭ ورىنباسارى ابزال جۇماتايەۆ مالىمدەدى.

ونىڭ ايتۋىنشا، نۇر-سۇلتان ستانتسياسىنداعى جەلىلىك پوليتسيا بولىمشەسىنىڭ قىزمەتكەرلەرى «نۇرلى جول» تەمىرجول ۆوكزالىندا رەيد جۇرگىزۋ كەزىندە قوعامدىق ورىنداردا ماس كۇيدە ازاماتتارعا تيسۋ فاكتىسىن انىقتادى. «تەكسەرۋ كەزىندە كولىك پوليتسەيلەرى تەمىرجول ۆوكزالىنىڭ ءبىرىنشى قاباتىندا جەكە تاسىمالداۋ قىزمەتىن ۇسىنۋ ماقساتىندا، كەلگەن جولاۋشىلاردىڭ مازاسىن الىپ، تيىسكەن ەر ادامدى انىقتاپ، ۇستادى. قۇقىق بۇزۋشىعا قاتىستى ق ر ا ق ب ت ك- ءنىڭ 449-بابىنىڭ 1-بولىگى، ياعني، قوعامدىق ورىنداردا ءتارتىپ بۇزۋ فاكتىسى بويىنشا اكىمشىلىك حاتتاما تولتىرىلدى»، - دەدى ا. جۇماتايەۆ.

«جالپى ورتاق پايدالاناتىن ورىنداردى لاستاۋ، قوعامدىق ورىنداردا ماس كۇيدە ءجۇرۋ، قاڭعىباستىق جانە باسقا دا وسىعان ۇقساس ءتارتىپ بۇزۋ فاكتىلەرىن انىقتاۋ ماقساتىندا دەپارتامەنتتىڭ جەلىلىك بولىنىستەرىمەن بارلىق اۋە جانە تەمىرجول ۆوكزالدارى، پەرروندار، جولاۋشىلار پوەزدارى كەلۋ جانە كەتۋ كەزەڭىندە، سونداي-اق ءجۇرۋ جولىندا تەكسەرۋ جۇمىستارىن جۇرگىزۋ جۇمىستارى جالعاسۋدا»، - دەدى پوليتسيا پولكوۆنيگى.

ونىڭ سوزىنە قاراعاندا، كولىك پوليتسياسى ق ر ا ق ب ت ك-نىڭ 449-بابى 1-بولىگىنە سايكەس، العاشقى اكىمشىلىك قۇقىق بۇزۋشىلىق ءۇشىن ەسكەرتۋ جاساۋعا نە جەكە تۇلعالارعا 5 ا ە ك (14585 تەڭگە) مولشەرىندە ايىپپۇل سالۋعا قۇقىلى. اكىمشىلىك جازا قولدانىلعاننان كەيىن زاڭسىز ارەكەتىن قايتالاسا، ق ر ا ق ب ت ك 10 ا ە ك (29170 تەڭگە) ايىپپۇل سالۋعا نەمەسە 5 تاۋلىككە دەيىنگى مەرزىمگە قاماققا الىنادى؛

ق ر ا ق ب ت ك-نىڭ 449-بابىنىڭ 1-بولىگى بويىنشا العاش رەت جاسالعان وسىنداي قۇقىق بۇزۋشىلىق ءۇشىن ەسكەرتۋ جاساۋعا نە جەكە تۇلعالارعا 5 ا ە ك (14585 تەڭگە) مولشەرىندە ايىپپۇل سالىنادى؛ شەتەلدىكتەر ءۇشىن مۇنداي قۇقىق بۇزۋشىلىق ءۇشىن قاماۋعا الىنىپ، نە ق ر-نىڭ شەگىنەن اكىمشىلىك جولمەن شىعارىلادى.

سوڭعى جاڭالىقتار