مەيرامبەك بەسبايەۆ كوروناۆيرۋسپەن جانساقتاۋ بولىمىنە ءتۇستى

None
None
الماتى. قازاقپارات - قازاقستاننىڭ ەڭبەك سىڭىرگەن قايراتكەرى،«مۋزارت» توبىنىڭ ءانشىسى مەيرامبەك بەسبايەۆ كوروناۆيرۋسپەن اۋرۋحاناعا ءتۇستى، دەپ حابارلايدى قازاقپارات ءتىلشىسى.

بۇل اقپاراتتى «مۋزارت» توبىنىڭ ديرەكتورى ەرلان ءجۇنىسباي راستادى.

«مەيرامبەكتى كەشە تۇستە جەدەل جاردەم الىپ كەتتى. بىردەن جانساقتاۋ بولىمىنە ءتۇستى. الدىمەن پنيەۆمونيا دەگەن، كەيىن كوروناۆيرۋس انىقتالدى»، - دەدى ەرلان ءجۇنىسباي.

ونىڭ ايتۋىنشا، قازىر ءانشىنىڭ دەنساۋلىعى جاقسى.

«قازىر جاعدايى جاقسى. جانساقتاۋ بولىمىنەن پالاتاعا اۋىستىردى. تەلەفونمەن سويلەسىپ وتىرامىز. ۋايىمداماڭىزدار، جاعدايى جاقساردى. ونىمەن كەشە كەشكە سويلەستىم. ول قالقامانداعى №7 اۋرۋحانانىڭ دارىگەرلەرىنە العىس ايتقىسى كەلەدى. قازاقستاندىقتار مۇنىڭ قانشالىقتى قاۋىپتى ەكەنىن ءتۇسىنىپ، ولاردان ۇيدە وتىرۋىن جانە قوناققا بارماۋىن سۇرادى»، - دەدى «مۋزارت» توبىنىڭ ديرەكتورى.


سوڭعى جاڭالىقتار