14:16, 17 - قاڭتار 2021 | GMT +6
الماتىدا كارانتين شارالارىن كۇشەيتۋ تۋرالى جاڭا قاۋلى جاريالاندى
الماتى. قازاقپارات - الماتى قالاسىنىڭ باس سانيتار دارىگەرى جانداربەك بەكشين كارانتين رەجيمىن كۇشەيتۋگە باعىتتالعان جاڭا قاۋلىنى جاريالادى، دەپ حابارلايدى قازاقپارات.
قاۋلىعا سايكەس، ەكىنشى سەمەستردەن باستاپ كوللەدجدەر مەن جوعارى وقۋ ورىندارىنىڭ I كۋرس ستۋدەنتتەرىن ەرىكتى نەگىزدە قۇرامداستىرىپ وقىتۋ تۋرالى شەشىم قابىلدانعان.
بۇل رەتتە كۇشەيتىلگەن سانيتاريالىق-دەزينفەكتسيالىق جانە بەتپەردە رەجيمىن، الەۋمەتتىك قاشىقتىق ساقتالۋى كەرەك. سونداي-اق I كۋرس ستۋدەنتتەرىنە جاتاقحانادا تۇرۋعا رۇقسات بەرىلگەن.
جالپى بىلىم بەرەتىن مەكتەپتەردىڭ: 1 دەن 5 كە دەيىنگى (حالىقارالىق مەكتەپتەردە 7- سىنىپقا دەيىن)، 9، 11- (12) - سىنىپتارىنىڭ وقۋشىلارىن، كوللەدجدەر مەن جوعارى وقۋ ورىندارىنىڭ I كۋرس ستۋدەنتتەرىن تاماقتاندىرۋدى ۇيىمداستىرۋ مىندەتى جۇكتەلگەن.