22:13, 11 - قاڭتار 2021 | GMT +6
قىتاي س ءى م: قازاقستاندى پارلامەنت سايلاۋىنىڭ ءساتتى وتۋىمەن قۇتتىقتايمىز
بەيجىڭ. قازاقپارات - قازاقستاندا 10- قاڭتار كۇنى پارلامەنتتىڭ تومەنگى پالاتاسى دەپۋتاتتارىنىڭ سايلاۋى ءساتتى ءوتتى.
وسىعان بايلانىستى قىتاي تاراپى قازاقستاندى قۇتتىقتايدى جانە ادەتتەگىدەي ەكىجاقتى قارىم-قاتىناستى دامىتۋعا مۇددەلى.
دۇيسەنبى كۇنى ق ح ر س ءى م وكىلى چجاو ليتسزيان وسىنداي مالىمدەمە جاسادى.
«10- قاڭتار كۇنى پارلامەنتتىڭ تومەنگى پالاتا دەپۋتاتتارىنىڭ سايلاۋى ءساتتى ءوتتى. قىتاي قازاقستاندى قۇتتىقتايدى»، - دەدى ق ح ر س ءى م- ءنىڭ وكىلى.
«قازاقستان ۇلتتىق دامۋ مەن قۇرىلىس سالاسىندا بيىك مەجەلەردى باعىندىراتىنىنا سەنىمدىمىز»، - دەپ قوستى ديپلومات.
چجاو ليتسزياننىڭ سوزىنشە، قازاقستان مەن قىتاي تاتۋ كورشى، ءتۇرلى سالالار بويىنشا ستراتەگيالىق ارىپتەس.
«قىتاي قازاقستانمەن بىرلەسىپ، ەكىجاقتى قارىم-قاتىناستاردى ۇزدىكسىز دامىتۋ ىسىنە ۇلەس قوسۋعا دايىن»، - دەدى ول.