قاسىم-جومارت توقايەۆ سادىر جاپاروۆتى قىرعىزستان پرەزيدەنتى سايلاۋىنداعى جەڭىسىمەن قۇتتىقتادى
قاسىم-جومارت توقايەۆ سادىر جاپاروۆتى سايلاۋداعى جەڭىسىمەن قۇتتىقتاپ، داۋىس بەرۋ ناتيجەسى ول ۇسىنعان قىرعىزستاننىڭ الەۋمەتتىك-ەكونوميكالىق تۇراقتى دامۋىن قامتاماسىز ەتۋ جانە مەملەكەتتىلىگىن ودان ءارى نىعايتۋ باعدارلاماسى بۇكىلحالىقتىق قولداۋعا يە بولعانىنىڭ كۋاسى ەكەنىن اتاپ ءوتتى.
قازاقستان پرەزيدەنتى باۋىرلاس قىرعىزستانمەن اراداعى ىنتىماقتاستىقتى ەكى ەل حالقىنىڭ مۇددەسىنە سايكەس دوستىق، تاتۋ كورشىلىك جانە ستراتەگيالىق ارىپتەستىك رۋحىندا ودان ءارى دامىتا بەرۋگە بەيىلدى ەكەنىن ناقتىلادى. سادىر جاپاروۆ قىرعىز رەسپۋبليكاسىنىڭ تۇراقتى ءارى بايىپتى دامۋعا باعىتتالعان ۇمتىلىسىن ۇنەمى قولداپ كەلە جاتقان مەملەكەت باسشىسى مەن قازاقستان حالقىنا العىس ايتتى.
پرەزيدەنتتەر ەكىجاقتى بايلانىستاردىڭ كۇن تارتىبىندەگى بارلىق ماسەلەلەر بويىنشا بىرلەسىپ جۇمىس ىستەۋگە دايىن ەكەندەرىن، سونداي-اق، حالىقارالىق ۇيىمدار شەڭبەرىندەگى ءىس- قيمىلداردى ارتتىرۋعا نيەتتىلىگىن راستادى. قاسىم-جومارت توقايەۆ سادىر جاپاروۆتى قازاقستانعا رەسمي ساپارمەن كەلۋگە شاقىردى.
قىرعىز باسشىسى شاقىرۋدى قابىل الىپ، پرەزيدەنت رەتىندەگى العاشقى ساپارىن قازاقستاننان باستايتىنىن ايتتى. سونىمەن قاتار ول مەملەكەت باسشىسىن پارلامەنت سايلاۋىنىڭ ءساتتى وتۋىمەن قۇتتىقتادى. قاسىم-جومارت توقايەۆ سادىر جاپاروۆقا باۋىرلاس قىرعىزستان حالقىنىڭ يگىلىگى جولىنداعى جاۋاپتى مەملەكەتتىك قىزمەتىنە تولاعاي تابىس تىلەدى.