وتكەن جىلى سابيلەرگە ەڭ كوپ قويىلعان ەسىمدەر اتالدى

نۇر -سۇلتان. قازاقپارات - 2020 -جىلى تۋعان سابيلەرگە كوبىنە قانداي ەسىم قويىلعانى بەلگىلى بولدى.

ولاردىڭ اراسىندا ۇل بالالارعا ەڭ كوپ قويىلعان ەسىم - ءاليحان. مۇنداي 4577 جاعداي كەزدەسكەن، دەپ حابارلايدى Egemen.kz.

ايتا كەتۋ كەرەك، ءاليحان ەسىمى 2014 -جىلى دا قازاقستاندىقتاردىڭ ەڭ سۇيىكتى ەسىمدەرىنىڭ كوشىندە تۇرعان.

ءجيى قويىلعان ەسىمدەردىڭ ەكىنشىسى - ايسۇلتان. 3320 اتا-انا ۇلىنا وسى ەسىمدى قويعان.

ال نۇريسلام ەسىمى ءۇشىنشى ورىندا تۇر. بىلتىر تۋعان 2904 بالاعا وسى ەسىم بەرىلگەن.

ءارى قاراي تىزىمدە ءامىر - 2314 ادام، الديار - 2308، ءالينۇر - 2216، ءالي - 2001، رامازان - 1948، ارسەن -1830، سانجار - 1815 بالا بار.

ال قىزدار اراسىندا ەڭ تانىمال ەسىم مەدينا بولىپ شىقتى. 5403 قىزعا وسى ەسىم بەرىلگەن. 4855 بالاعا ايلين، 4588 قىزعا رايانا دەگەن ات قويىلعان.

سونداي- اق 2020 -جىلى قىزدارعا قويىلعان سۇيىكتى ەسىمدەردىڭ اراسىندا ايشا - 4500 ادام، اسىلىم - 4366، ايزەرە - 4293، ايالا - 4247، ايىم - 3673، توميريس - 3293 جانە ايارۋ دەگەن 3252 قىز بار.