10:30, 25 - جەلتوقسان 2020 | GMT +6
كوروناۆيرۋس: باتىس قازاقستان «جاسىل» ايماققا شىقتى
نۇر-سۇلتان. قازاقپارات - ەپيدەميولوگيالىق احۋالدى باعالاۋ ماتريتساسىنا سايكەس، قازاقستاندا قازىرگى تاڭدا ءبىر وبلىس «قىزىل»، ءتورت وبلىس پەن ەكى قالا «سارى» ايماقتا تۇر، دەپ حابارلايدى قازاقپارات ءتىلشىسى.
ق ر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ ۇلتتىق ورتالىعىنىڭ مالىمەتىنە سايكەس، 25- جەلتوقسانداعى جاعداي بويىنشا «قىزىل» ايماقتان ءالى دە اتىراۋ وبلىسى شىققان جوق. سونىمەن قاتار، قوستاناي، اقمولا، س ق و، پاۆلودار وبلىستارى مەن نۇر-سۇلتان، الماتى قالاسى «سارى» ايماقتا ورنالاسقان.
قالعان وڭىرلەردىڭ ءبارى «جاسىل» ايماقتا تۇر.
بۇگىننەن باستاپ «جاسىل» ايماقتاردىڭ قاتارىنا ب ق و ەندى. ايتسە دە ماتريتسانىڭ باعالاۋى بويىنشا قازاقستاننىڭ جالپى اۋماعى «سارى» ايماققا ەنگەن.