07:51, 24 - جەلتوقسان 2020 | GMT +6
ديماشتىڭ جاڭا بەينەبايانى جارىققا شىقتى
نۇر-سۇلتان. قازاقپارات - ءانشى ديماش قۇدايبەرگەننىڭ جاڭا بەينەبايانى جارىققا شىقتى، دەپ حابارلايدى قازاقپارات ءتىلشىسى.
ءانشى «مەنى سەنى ساعىنامىن» انىنە تۇسىرىلگەن بەينەبايانىن YouTube-تاعى رەسمي ارناسىنا جاريالادى.
ايتا كەتسەك وسىدان ەكى كۇن بۇرىن ديماش قۇدايبەرگەن Instagram-داعى پاراقشاسىندا جاڭا بەينەباياننىڭ تيزەرىن جاريالاعان ەدى.
ەسكە سالا كەتسەك ديماش قۇدايبەرگەن 9 ايدان كەيىن ساحناعا قايتا شىقتى. ناقتىراق ايتقاندا تاياۋدا رەسەي استاناسى ماسكەۋدەگى ۆ ت ب ارەناسىندا ءداستۇرلى «جىل ءانى» كونسەرتى ءوتتى.
5- جەلتوقساندا وتكەن كەشتە ديماش «تام، گدە جيۆەت ليۋبوۆ» ، «Your Love « جانە جاڭا «يا سكۋچايۋ پو تەبە» اتتى ءۇش ءاندى ورىنداپ، جانكۇيەرلەرىنىڭ كوڭىلىنەن شىقتى.