09:42, 12 - جەلتوقسان 2020 | GMT +6
قازاقستاندا وسى ۋاقىتتا قانشا ادام كوروناۆيرۋستان ەمدەلىپ جاتقانى جاريالاندى
نۇر-سۇلتان. قازاقپارات - قازاقستاندا وسى ۋاقىتتا كوروناۆيرۋستان 13926 ادام ەمدەلىپ جاتىر، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنىڭ Telegram كانالىنا سىلتەمە جاساپ.
ونداعى مالىمەتتەرگە قاراعاندا ەمدەلىپ جاتقانداردىڭ اراسىنا 1041 بالا بار. ستاتسيونارلاردا 3999 ناۋقاس جاتىر. 9927 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 225 ادامنىڭ دەنساۋلىق جاعدايى ناشار.
سونىڭ ىشىندە 36 ناۋقاستىڭ دەنساۋلىق جاعدايى اسا اۋىر دەپ باعالانىپ وتىر، 43 ناۋقاس جاساندى تىنىس الۋ اپپاراتىندا جاتىر.