+7 (701) 759 90 19
-20 °С : نۇر-سۇلتان
-3 °С : الماتى
USD 418.67 EUR 507.64
RUB 5.71 CNY 64.74
جاڭالىقتار

قىتاي زوندى ايدان توپىراق سىناماسىن الدى

4 جەلتوقسان 21:59
:ءبولىسۋ
قىتاي زوندى ايدان توپىراق سىناماسىن الدى

نۇر-سۇلتان. قازاقپارات - قىتايدىڭ «چانە-5» زوندى ايدىڭ كۇنگەي بەتىندەگى «داۋىلدار مۇحيتى» ايماعىنان توپىراق سىناماسىن بۇرعىلاپ الدى.

ايدىڭ بەتىن بۇرعىلاپ، شامامەن 2 كەلى توپىراق سىناماسىن الۋعا 19 ساعات ۋاقىت كەتكەن.

مودۋل بۇل ميسسيادان بولەك، اي بەتىنىڭ قۇرامىن زەرتتەگەن. 8,2 توننالىق زوند ايعا قونۋعا، ايدىڭ بەتىندە ەكى مەتر تەرەڭدىكتە بۇرعىلاۋعا، ودان توپىراق شىعارۋعا، الىنعان توپىراقپەن اي بەتىنەن جوعارى كوتەرىلۋگە ​​جانە وربيتالىق مودۋلگە قوسىلۋعا ارنالعان 4 مودۋلدەن تۇرادى.

توپىراق سىناماسىن العان مودۋل وربيتاداعى مودۋلگە ۇشىپ كەتكەن. 16- جەلتوقساندا وربيتالىق مودۋل ايدان الىنعان سىنامامەن بىرگە جەرگە ورالادى. ول قىتايدىڭ سولتۇستىگىندەگى ىشكى موڭعوليا اۆتونوميالىق اۋدانىنا قونادى دەپ جوسپارلانعان.

2019-جىلى يزرايلدىڭ SpaceIL جەكە كومپانياسى مەن ءۇندىستان دا ءوز قۇرىلعىلارىن ايعا جىبەرگەن ەدى. الايدا ەكى قوندىرعى دا ايعا قونعان كەزدە اپاتقا ۇشىرادى. ايدىڭ كۇنگەي بەتىنە تەك قىتايدىڭ Chan'e-4 زوندى ءساتتى قونا الدى.


ەگەر ءبارى ءساتتى اياقتالسا، قىتاي 44 جىلدان كەيىن اي بەتىنەن جەرگە گەولوگيالىق ۇلگىلەردى جەتكىزگەن ءۇشىنشى مەملەكەت اتانادى.

بۇعان دەيىن ك س ر و مەن ا ق ش توپىراق سىنامالارىن اكەلگەن ەدى. كەڭەس وداعىنىڭ «لۋنا» ميسسياسى 1970-1976-جىلدار ارالىعىندا جەرگە 326 گرام اي توپىراعىن الىپ كەلگەن، ال «اپوللون» ميسسياسىندا ا ق ش- قا 391 گرام اي توپىراعى جەتكىزىلگەن.

ايتا كەتەيىك، قازىرگى ۋاقىتتا قىتاي ءوزىنىڭ ۇلتتىق عارىش باعدارلاماسىن بەلسەندى دامىتىپ جاتىر. قىتاي كەيىنگى 2 جىلدا عارىشقا ۇشۋ سانى بويىنشا الەمدە كوشباسشى سانالادى. 2030-جىلعا دەيىن ايعا عارىشكەرلەردى جىبەرىپ، سوندا ءوز بازاسىن قۇرۋدى جوسپارلاپ وتىر.

massaget.kz



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات