قايرات ءابدىراحمانوۆ ە ق ى ۇ- نىڭ از ۇلتتار ىستەرى جونىندەگى جوعارعى كوميسسارى لاۋازىمىنا سايلاندى
«قايرات ءابدىراحمانوۆ حالىقارالىق ديپلوماتقا، حالىقارالىق ۇيىمىنىڭ باسشىسىنا اينالدى. وسى ۇيىمنىڭ جارعىسىنا سايكەس، ول ءوز ەلىندەگى بۇكىل ۇلتتىق لاۋازىمداردان بوساتىلىپ، تاۋەلسىز بولۋى، ءوز جۇمىسىندا وبەكتيۆتى بولۋى كەرەك. قايرات ءابدىراحمانوۆ شەت ەلدەردىڭ ديپلوماتيالىق ورتاسىندا وتە تانىمال تۇلعا. وزدەرىڭىز بىلەتىندەي، ول قازاقستاندا سىرتقى ىستەر ءمينيسترى، قازاقستاننىڭ ب ۇ ۇ- داعى وكىلى، سونىمەن بىرگە ە ق ى ۇ- نىڭ وزىندە دە قازاقستاننىڭ وكىلى بولدى. ءبىزدىڭ ەل ە ق ى ۇ- عا ءتوراعالىق ەتكەندە، ءبىزدىڭ استانادا 2010-جىلى ە ق ى ۇ سامميتى بولعان تۇستا ءبىزدىڭ وكىلدىكتى باسقارعان ەدى»، - دەدى مۇحتار تىلەۋبەردى س ءى م- ءنىڭ باسپا ءسوز ءماسليحاتىندا.
ونىڭ ايتۋىنشا، ە ق ى ۇ- نىڭ باسشىلىعىن قۇرايتىن ءتورت ورىنعا دا باسەكە جوعارى بولعان. ءاربىر لاۋازىمعا بىرنەشە ۇمىتكەر ۇسىنىلعان.