قازاقستاننىڭ ءتورت وڭىرىندە اۋا رايىنا بايلانىستى ەسكەرتۋ جاريالاندى

4-5- جەلتوقسان كۇندەرى وسكەمەن، ريددەر قالالارى مەن جاڭا بۇقتىرما اۋىلىندا 2- دارەجەلى قولايسىز مەتەورولوگيالىق جاعداي قالىپتاسادى.

5-6- جەلتوقساندا سولتۇستىك قازاقستان وبلىسىنىڭ كەي جەرلەرىنە تۇمان تۇسەدى. پەتروپاۆل قالاسىندا 5-6- جەلتوقساندا تۇمان بولۋى مۇمكىن. اۋا رايى بولجامىنىڭ دالدىگى - %90-95.

5- جەلتوقساندا اقمولا وبلىسىنىڭ كەي جەرلەرىندە تۇمان ءتۇسىپ، جاياۋ بۇرقاسىن بولادى.

سولتۇستىك-شىعىستان سوعاتىن جەلدىڭ جىلدامدىعى سەكۋندىنا 15-20 مەترگە جەتەدى. اۋا رايى بولجامىنىڭ دالدىگى - %85-90.

5- جەلتوقساندا تۇركىستان وبلىسىندا تۇمان، جاياۋ بۇرقاسىن بولۋى مۇمكىن. شىعىستان سەكۋندىنا 15-20 مەترگە جەتەتىن جەل تۇرادى. اۋا رايى بولجامىنىڭ دالدىگى - %90-95.