+7 (701) 759 90 19
-20 °С : نۇر-سۇلتان
-3 °С : الماتى
USD 418.67 EUR 507.64
RUB 5.71 CNY 64.74
جاڭالىقتار

جالعان ۆاكسينا جاساۋشىلار كوبەيۋى مۇمكىن - ينتەرپول

4 جەلتوقسان 18:50
:ءبولىسۋ
جالعان ۆاكسينا جاساۋشىلار كوبەيۋى مۇمكىن - ينتەرپول

نۇر- سۇلتان. قازاقپارات - الاياقتار ينتەرپولدى دا الاڭداتىپ وتىر. ويتكەنى ۇلى بريتانيا الەمدە العاشقى بولىپ كوروناۆيرۋسقا قارسى Pfizer جانە BioNTech ۆاكسينالارىن قولدانۋعا رۇقسات بەردى. ەكپە كەلەسى اپتادان باستاپ سالىنادى.

نيۋ- يوركتە جەلتوقساننىڭ ورتاسىندا Pfizer مەن BioNTech كومپانيالارى وندىرگەن ۆاكسينا 170 مىڭعا جۋىق ادامعا ەگىلەدى. مەكسيكا بيلىگى دە Pfizer كومپانياسىنان 34 ميلليون دوزا ۆاكسينا ساتىپ الۋ ءۇشىن كەلىسىمشارتقا وتىردى. ءسويتىپ، ەكپەگە سۇرانىس وتە جوعارى. ەندىگى الاڭدارلىق جايت، بۇل جاعدايدى قاسكويلەر پايدالانۋى مۇمكىن. ينتەرپولدىڭ الاڭداۋ سەبەبى وسى. حالىقارالىق ۇيىم جالعان ۆاكسينا ساتۋشىلار كوبەيەدى دەپ قاۋىپتەنەدى. بۇل شىعىن عانا ەمەس، ادامنىڭ دەنساۋلىعىنا زيان تيگىزۋى مۇمكىن. كوروناۆيرۋسقا قارسى ۆاكسينانى سىناقتان وتكىزۋ تۋرالى جاعىمدى جاڭالىقتاردى الاياقتار ءوز مۇددەسىنە پايدالانۋى مۇمكىن. ينتەرپول وسىلاي دەپ وتىر.

حالىقارالىق ۇيىم وكىلدەرىنىڭ پايىمداۋىنشا، قاسكويلەر جالعان ۆەب- سايتتار ارقىلى ارەكەت ەتۋى مۇمكىن. ۆاكسينانى ۇرلاپ، سولار ارقىلى ساتۋى عاجاپ ەمەس. نەمەسە الەۋمەتتىك جەلىدە قولدان جاسالعان ەكپەنى ۇسىنىپ، حالىقتى الداپ- سوعاتىن جاعدايلاردىڭ كوبەيۋى بولجانىپ وتىر. سوندىقتان ينتەرپول جەلى قولدانۋشىلارىن قىراعىلىق تانىتۋعا، ال ۇيىمعا مۇشە ەلدەردىڭ قۇقىق قورعاۋشىلارىن جەرگىلىكتى دەنساۋلىق ساقتاۋ سالاسىنداعى ورگاندارمەن بىرگە ارەكەت ەتۋگە شاقىردى.

ولار سونداي- اق حالىقارالىق اۋە قاتىناسىنىڭ بىرتىندەپ قالپىنا كەلتىرىلۋىنە وراي ۇشاققا ءمىنۋ ءۇشىن كوۆيد- تەستتەرگە سۇرانىستىڭ دا ارتىپ كەلە جاتقانىن ايتادى. سوندىقتان جالعان تەست ناتيجەلەرىن جاساتۋ دەرەكتەرى دە كوبەيۋى مۇمكىن ەكەنىن ەسكەرتەدى.

يۋرگەن ستوك، Interpol باس حاتشىسى:

- قاسكويلەر جالعان سايتتار ارقىلى ارەكەت ەتۋى مۇمكىن. سوندىقتان قولدانۋشىلار ساق بولۋى كەرەك. ماسەلەن، كەيبىر پرەپاراتتاردىڭ باعاسى تىم ارزان بولىپ كورىنۋى مۇمكىن. وسىنداي جاعدايدا جەرگىلىكتى دەنساۋلىق ساقتاۋ مەكەمەلەرىنەن كەڭەس العان ءجون. الاياقتار تەك ونلاين عانا ەمەس، باسقا جولدار ارقىلى دا ارەكەت ەتۋى ابدەن ىقتيمال. قۇقىق قورعاۋشى ورگاندار ءتيىستى قىلمىسقا قارسى تۇرۋعا دايىن بولۋ كەرەك. ءبىزدىڭ ۇيىم سول سەبەپتى جاھانعا ەسكەرتۋ جاساپ، ساقتاندىرىپ وتىر.

www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات