+7 (701) 759 90 19
-20 °С : نۇر-سۇلتان
-3 °С : الماتى
USD 418.67 EUR 507.64
RUB 5.71 CNY 64.74
جاڭالىقتار

ۆاكسينا التىن باعاسىنا اسەر ەتتى

4 جەلتوقسان 19:29
:ءبولىسۋ
ۆاكسينا التىن باعاسىنا اسەر ەتتى

نۇر- سۇلتان. قازاقپارات – و پ ە ك ەلدەرى ءبىر كەلىسىمگە كەلدى. 2021 -جىلدىڭ باسىندا تاۋلىگىنە 7,2 ميلليون باررەل مۇناي وندىرىلەدى. مۇنداي شەشىمگە ءبىرقاتار ەلدە باستالعان كوروناۆيرۋستىڭ ەكىنشى تولقىنى سەبەپ بولعان.

بۇعان دەيىنگى جوسپاردا ءوندىرىستى 5 ميلليون 8 مىڭ باررەلگە ازايتۋ كوزدەلگەن ەدى. جاڭا كەلىسىم نەگىزىندە شيكى مۇنايدى ءوندىرۋ تاۋلىگىنە 500 مىڭ باررەلگە دەيىن ارتادى. ماماندار كەلەسى جىلدىڭ ءساۋىر ايىندا ءوندىرىستى 2 ميلليون باررەلگە دەيىن ارتتىرماق. ولار وتكەن تاجىريبەنى ەسكەرە وتىرىپ، اسىعىس قادام جاساماۋ قاجەتتىگىن قاپەرگە الىپ وتىر. ۇزاققا سوزىلعان كەلىسىم باعانىڭ تۇراقسىزدىعىنا الىپ كەلگەن بولاتىن.

قازىر Brent ماركالى قارا التىن 49 دوللارعا جەتتى. ماماندار بۇدان كەيىن دوللار يندەكسىنىڭ ءتۇسىپ، مۇنايلى ۆاليۋتالاردىڭ نىعاياتىنىنا سەنىمدى. كەلىسىمدى قازاقستان دا قولدادى. قاڭتاردا تاۋلىگىنە ميلليون 417 مىڭ توننا مۇناي وندىرىلەتىن بولادى. ەلىمىزدە بيىل 18 مىڭ توننادان اسا التىن وندىرىلەدى. ماماندار قيىندىقتارعا قاراماستان ءوندىرىستى جىلداعى كورسەتكىشتەن تومەندەتپەۋگە بەكىنىپ وتىر.

دەگەنمەن، پاندەميا ەنگىزگەن وزگەرىس بار. مىسالى بيىل زەرلەر تاراپىنان التىنعا دەگەن سۇرانىس ازايىپ كەتكەن. كەرىسىنشە باعالى مەتالل الەمدىك بانكتەر مەن ينۆەستيتسيالىق قورلارعا كوپ ءبولىندى. بيىل ەلىمىزدە بولجام بويىنشا ءجۇز توننادان اسا وڭدەلمەگەن التىن وندىرىلەدى. ونىڭ 60 توننادان استامى تازارتىلعان مەتالل. بۇل تۋرالى ءىرى تاۋ- كەن كومپانياسىنىڭ باس ديرەكتورى قانات دوسمۇحامەتوۆ ايتتى.

ونىڭ پىكىرىنشە، باعالى مەتالدىڭ باعاسى ەكونوميكالىق فاكتورلارعا ەمەس، ينۆەستورلاردىڭ پايىمىنا قاراي قۇبىلادى. سوندىقتان ولار تۇراقتى نارىقتان كوشىپ جاتىر.

قانات دوسمۇحامەتوۆ، تاۋ- كەن ءوندىرىسى كومپانياسىنىڭ باس ديرەكتورى:

- كوروناۆيرۋسكە قارسى ۆاكسينانىڭ پايدا بولۋى جانە ا ق ش- تاعى پرەزيدەنت سايلاۋىندا دجو بايدەننىڭ جەڭۋى التىننىڭ قۇنىنا اسەرىن تيگىزدى. باعا تومەندەپ جاتىر. دەمەك ينۆەستورلاردىڭ التىن سياقتى تۇراقتى نارىقتان تاۋەكەلگە تولى كاپيتال نارىعىنا اۋىسۋى زاڭدى قۇبىلىس. سۇرانىس ازايعان سوڭ، باعا دا تۇسەدى.

www.24.kz



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات