كاسىپكەرگە كەدەرگى كەلتىرگەنى ءۇشىن قىلمىستىق باپ ءىس جۇزىندە جۇمىس ىستەمەيدى - رۋستام ءجۇرسىنوۆ

None
None
نۇر-سۇلتان. قازاقپارات - زاڭدى كاسىپكەرلىك قىزمەتكە كەدەرگى كەلتىرگەنى ءۇشىن جاۋاپكەرشىلىككە تارتۋدىڭ قىلمىستىق بابى ءىس جۇزىندە جۇمىس ىستەمەي تۇر.

بۇل تۋرالى قازاقستان رەسپۋبليكاسى كاسىپكەرلەرىنىڭ قۇقىقتارىن قورعاۋ جونىندەگى ۋاكىلى رۋستام ءجۇرسىنوۆ ءمالىم ەتتى، دەپ حابارلايدى قازاقپارات ءتىلشىسى.

«بيزنەسكە اۋقىمدى شىعىن كەلتىرگەنى ءۇشىن مەملەكەتتىك قىزمەتشىلەر وزدەرىنىڭ قاتەلىكتەرىنە ءىس جۇزىندە ەشقانداي جاۋاپكەرشىلىكتى المايدى. ستاتيستيكاعا قاراعاندا، قىلمىستىق ءارى اكىمشىلىك ىقپال ەتۋ شارالارى وتە سيرەك قولدانىلادى»، - دەدى ر. ءجۇرسىنوۆ قازاقستاندا شاعىن جانە ورتا كاسىپكەرلىكتى دامىتۋ سالاسىنداعى مەملەكەتتىك ساياساتتى جانە قۇقىقتىق رەتتەۋدى جەتىلدىرۋ تاقىرىبىنداعى پارلامەنتتىك تىڭداۋدا.

ونىڭ ايتۋىنشا، زاڭدى كاسىپكەرلىك قىزمەتكە كەدەرگى جاساعانى ءۇشىن قىلمىستىق جاۋاپكەرشىلىك (365-باپ) ەسكەرىلگەن.

«تاجىريبە جۇزىندە ول جۇمىس ىستەمەي تۇر. سوڭعى 3 جىلدا 1 ادام سوتتالعان»، - دەپ ناقتىلادى ۋاكىل.

تاراتىلعان مالىمەتتەرگە قاراعاندا، 2016 -جىلى 365-باپ بويىنشا جەتى قۇقىق بۇزۋشىلىق بويىنشا قىلمىستىق ءىس قاراۋدا بولعان، بەسەۋى سوتقا جولدانىپ، 3 ادام سوتتالدى. 2017 -جىلى بەس قۇقىق بۇزۋشىلىق بويىنشا ءىس قارالىپ، ءبىر ادام سوتتى بولدى. 2018 -جىلى وسىنداي ستاتيستيكا تىركەلمەسە، 2019 -جىلى ءۇش قۇقىق بۇزۋشىلىققا قاتىستى ءىس قارالىپ، سوتقا بىرەۋى جولداندى.

اۆتور: رۋسلان عابباسوۆ

سوڭعى جاڭالىقتار