كەلەسى جىلى قوردايدان كوروناۆيرۋسقا قارسى ۆاكسينا شىعارىلا باستايدى - بەردىبەك ساپاربايەۆ

«مەملەكەت باسشىسى قاسىم-جومارت توقايەۆتىڭ تاپسىرماسىمەن ىندەتكە بايلانىستى ءبىزدىڭ قورداي اۋدانىندا ۆاكسينا شىعاراتىن زاۋىت سالىنىپ جاتىر. ول جەردە مەملەكەتىمىزدىڭ بيولوگيالىق قاۋىپسىزدىگىن قامتاماسىز ەتۋ جونىندە ينستيتۋت بار. ولار قازىر برۋسەللەزگە، دەرماتيتكە، قۇس تۇماۋىنا بايلانىستى ۆاكسينا شىعارادى. قازىر ەندى ول جەردە جاڭا زاۋىت بوي كوتەرۋدە. ول زاۋىت جىلىنا كەم دەگەندە 30 ميلليوننان 60 ميلليون دوزاعا دەيىن كوروناۆيرۋسقا قارسى ۆاكسينا شىعارادى»، - دەدى جامبىل وبىلىسىنىڭ اكىمى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

جوسپار بويىنشا وسى جىلدىڭ اياعىندا زاۋىت ىسكە قوسىلماق.

«كەلەسى جىلى ناۋرىز ايىندا ۆاكسينا شىعارادى. ۇكىمەتتىڭ كومەگى مەن قولداۋى بار. سوندا جۇمىس ىستەيتىن قىزمەتكەرلەردى قولداۋ ءۇشىن ول جەردە تۇرعىن ءۇي سالىنىپ جاتىر. ءبىرىنشى 90 پاتەرلىك تۇرعىن ءۇي كەلەسى جىلى پايدالانۋعا بەرىلەدى. قالعان 2 ءۇيدىڭ قۇرىلىسىن كەلەسى جىلى باستايمىز. وسىنداي ۆاكسينالاردى شىعارۋ ءۇشىن جاقسى مامانداردى تارتۋىمىز كەرەك. سوندىقتان قازىر سوندا جۇمىس ىستەيتىن مامانداردىڭ جالاقىسىن كوتەرۋ ماسەلەسى پىسىقتالىپ جاتىر»، - دەدى ول.