رەسەيلىك عالىمدار كۇننىڭ كەنەتتەن جارىلۋ ىقتيمالدىعى تۋرالى ايتتى
بۇعان دەيىن كۇننىڭ بەلسەندىلىگىنىڭ جاڭا كەزەڭى باستالعانى حابارلانعان بولاتىن.
رەسەي عىلىم اكادەمياسى عارىشتىق زەرتتەۋ ينستيتۋتىنىڭ ديرەكتورى اناتولي پەترۋكوۆيچ كۇننىڭ جارىلۋى ەكىتالاي ەكەنىن، ول ەسەپتەلىپ، تەكسەرىلىپ وتىراتىنىن ايتادى. عالىمنىڭ سوزىنشە، جاقىن ماڭدا تۇرعان جۇلدىز جارىلعان جاعدايدا عانا اسپان شىراقتارىنا قاۋىپ ءتونۋى مۇمكىن.
«بىزدە گالاكتيكاداعى ەڭ تىنىش جەر، ءبىزدىڭ ماڭدا جاڭا نارسەلەر سيرەك كەزدەسەدى. بىزگە جاقىن تۇرعان، تەوريا جۇزىندە جارىلۋى مۇمكىن جۇلدىزدار بىزدەن ونداعان جارىق جىل الىس تۇر. ولار جارىلۋىنا ءالى تالاي ۋاقىت قاجەت جاسىل الىپتار»، - دەيدى پەترۋكوۆيچ.
ونىڭ ايتۋىنشا، كۇننىڭ قانداي دا ءبىر مەحانيزمىن ەلەستەتۋ قيىن، سوندىقتان كەز كەلگەن بولجام عىلىم نەگىزىندە جاسالادى.
«سونداي-اق مىسالى وزگە عالامشارلىقتار پايدا بولىپ، ءبىزدى جاۋلاپ الۋى مۇمكىن دەپ بولجاۋعا بولادى. جۇلدىزدار جارىلاتىن بىرنەشە نۇسقا بار، ءبىراق ءبىزدىڭ جاعدايىمىزدا ەمەس»، - دەيدى عالىم.