كوروناۆيرۋس: شىعىس قازاقستان وبلىسى «قىزىل ايماقتان» شىقتى

None
None
وسكەمەن. قازاقپارات - شىعىس قازاقستان وبلىسىندا كارانتين شارالارى ءوز ناتيجەسىن بەرىپ، ءوڭىر كوروناۆيرۋستىڭ تارالۋ قاۋپى بويىنشا «قىزىلدان» «سارى» ايماققا ءوتتى، دەپ حابارلايدى قازاقپارات ءتىلشىسى.

«ورتاق كۇش-جىگەرىمىزدىڭ جانە ايماق حالقىنىڭ جوعارى جاۋاپكەرشىلىگىنىڭ ارقاسىندا ءبىز COVID-19 ينفەكسياسىنىڭ تارالۋ دەڭگەيىن تومەندەتە الدىق. بۇگىندە وبلىستا كوروناۆيرۋستىڭ تارالۋ كوەففيتسيەنتى باسەڭدەدى. ۆيرۋس جۇقتىرعاندار سانى 7-قاراشادا 353 ادام بولسا، كەشە 73 تى قۇرادى. ەڭ باستىسى، وڭىرىمىزدە وقشاۋلاۋ ورتالىعى ارقىلى ۆيرۋستىڭ جۇقتىرۋ تىزبەگىن باقىلاۋ جانە توسقاۋىل قويۋ جۇيەسى قۇرىلعان. 1-قاراشادان باستاپ 584 مەديتسينالىق- ەپيدەميولوگيالىق توپ ينفەكتسيانىڭ 3,5 مىڭ وشاعىندا بايلانىستا بولعان 21618 اداممەن جۇمىس جۇرگىزدى»، - دەپ جازدى ايماق باسشىسى دانيال احمەتوۆ Facebook-پاراقشاسىندا.

سونداي-اق COVID-19 ينفەكسياسىن ۋاقتىلى انىقتاپ، ەمدەۋ ءۇشىن قولدانىستاعى 13 پ ت ر- زەرتحاناعا جەرگىلىكتى بيۋدجەت ەسەبىنەن قوسىمشا 6 زەرتحانا قوسىلعان. الداعى كۇندەرى تاعى ءبىر زەرتحانا اشىلماق.

«پاندەميا باستالعاننان بەرى ش ق و- دا 355 مىڭ تەست وتكىزىلدى، ونىڭ ىشىندە تەك قاراشادا 101095 مىڭ زەرتتەۋ جۇرگىزىلدى. بۇل ەل بويىنشا جوعارى كورسەتكىشتەردىڭ ءبىرى. مونيتورينگتىك توپتار دا ءتيىمدى جۇمىس اتقاردى. 1-قاراشادان باستاپ 166 توپپەن 1906 رەيد جۇرگىزىلدى، 4426 نىسان تەكسەرىلدى، ونىڭ 1055 ىندە زاڭبۇزۋشىلىقتار انىقتالىپ، 48 ميلليون تەڭگەگە 735 ايىپپۇل سالىندى»، - دەدى وبلىس اكىمى.

ونىڭ ايتۋىنشا، 12 -قاراشادان باستاپ ناۋقاستاردىڭ كەلىسىمىمەن وبلىس اۋرۋحانالارىندا «فاۆيپيراۆير» پرەپاراتى قولدانىلۋدا. وسىنىڭ ناتيجەسىندە سىرقاتتان ساۋىققان ازاماتتار سانى ارتقان. سونىمەن قاتار دونورلاردىڭ كومەگىمەن جينالعان 3200 يممۋندى پلازما بەلسەندى تۇردە قولدانىلىپ جاتىر.

«وسى جانە باسقا دا شارالاردىڭ ارقاسىندا ءبىز كوروناۆيرۋستىڭ «سارى ايماعىنا» وتتىك. بۇل، قولدانىستاعى شەكتەۋلەرگە ءبىرقاتار جەڭىلدىكتەر ەنگىزۋگە مۇمكىندىك بەرەدى. الايدا ازىرگە ءقاۋىپتى دەرتتەن قورعايتىن ۆاكسينا جوق، سوندىقتان ك ۆ ي- دەن ەڭ سەنىمدى قورعانىس - ساقتىق شارالارى مەن الەۋمەتتىك قاشىقتىق ەكەنىن ۇمىتپاۋ كەرەك. ءبىزدىڭ قازىرگى باستى مىندەتىمىز - ۆيرۋستىڭ تارالۋىنا جول بەرمەۋ، مەديتسينالىق مەكەمەلەردىڭ تيىمدىلىگىن ارتتىرۋ جانە حالىقتىڭ دەنساۋلىعىن ساقتاۋدى قامتاماسىز ەتۋ. ءوزىڭىز بەن جاقىنىڭىزعا قورعان بولىڭىز!»، - دەدى دانيال احمەتوۆ.

سوڭعى جاڭالىقتار