+7 (701) 759 90 19
-20 °С : نۇر-سۇلتان
-2 °С : الماتى
USD 418.67 EUR 507.64
RUB 5.71 CNY 64.74
جاڭالىقتار

ەلورداداعى جەكپە-جەك سارايىنا جاقسىلىق ۇشكەمپىروۆتىڭ ەسىمى بەرىلدى

2 جەلتوقسان 13:28
:ءبولىسۋ
ەلورداداعى جەكپە-جەك سارايىنا جاقسىلىق ۇشكەمپىروۆتىڭ ەسىمى بەرىلدى

نۇر- سۇلتان. قازاقپارات - ەلورداداعى جەكپە-جەك سارايىنا داڭقتى بالۋان جاقسىلىق ۇشكەمپىروۆ ەسىمى بەرىلدى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Instagram پاراقشاسىندا جازدى، دەپ حابارلايدى قازاقپارات ءتىلشىسى.

«مەملەكەت باسشىسى قاسىم-جومارت كەمەل ۇلىنىڭ تىكەلەي باستاماسىمەن ءارى قولداۋىمەن ەلوردامىزداعى جەكپە-جەك سارايى رەسمي تۇردە داڭقتى بالۋان، وليمپيادا چەمپيونى جاقسىلىق ۇشكەمپىروۆ اعامىزدىڭ ەسىمىمەن اتالاتىن بولدى. بۇل شەشىم بىلاي قابىلدانعان ەدى.. . وسىدان بىرنەشە جىل بۇرىن وسى جەكپە-جەك ورتالىعىنىڭ ىرگەتاسى قالانىپ جاتقاندا جاقسىلىق اعامىز ۇلكەن ۇلى جاندوسپەن بىرگە قۇرىلىس باستالعالى جاتقان جەردىڭ جانىنان ءوتىپ بارا جاتادى. ەندى عانا قازىعى قاعىلىپ جاتقان جەرگە قاراپ: «وسى قازاققا، قازاقتىڭ سپورتىنا، قازاقتىڭ كۇرەسىنە ءبىر كىسىدەي-اق ەڭبەك ءسىڭىردىم دەپ ويلايمىن. اسىرەسە، وداقتىڭ داڭقى داۋىرلەپ، ءبىزدىڭ ۇلتتىڭ وكىلدەرىنىڭ بايگە الماق تۇگىل، وزگەمەن تەڭ تۇرۋىنىڭ ءوزى مۇڭ بولىپ تۇرعان شاقتا وليمپيادانىڭ جۇلدەسىن جۇلىپ الدىم. ونىمدى بۇگىنگى قازاققا مىندەت قىلمايمىن، ارينە. ول كەزدە جاستىقتىڭ بۋىمەن بىلىنبەگەن دە ەكەن. قازىر ويلايمىن، ءالى كۇنگە ءوزىمنىڭ ءىزىمدى باساتىن جىگىتتەردىڭ شىقپاعانىنا قاراعاندا، سول 80 دەگى وليمپيادا ماعان دا وڭايعا سوقپاعان ەكەن-اۋ دەپ. ەندى ءبىر ارمانىم بار، شىركىن وسى جەكپە-جەك ورتالىعىنىڭ قۇرىلىسى ءبىتىپ، مەنىڭ اتىمدى بەرسە عوي، ارمان جوق ەدى-اۋ» دەگەن ەكەن.

جاندوس: «وي اكە- اي، بۇل قاي ۋاقىتتا سالىنىپ بىتەدى دەيسىز؟ وعان دەيىن كىم بار، كىم جوق؟ قانداي شەشىم قابىلدانادى؟ بىلمەيمىز عوي...» دەپ قويا سالادى»، - دەپ جازدى بەرىك ءۋالي. ونىڭ اتاپ وتۋىنشە، جاقسىلىق اعامىز باقيلىق بولىپ كەتكەننەن كەيىن جوعارىداعى اڭگىمە مەملەكەت باسشىسىنا جەتەدى. قاسىم- جومارت توقايەۆ بىردەن قولدايدى. ءتيىستى ورىندارعا تاپسىرما بەرەدى. «ءسويتىپ، كۇنى كەشە عانا ۇكىمەتتىڭ رەسمي قاۋلىسى شىقتى. جەكپە-جەك سارايى رەسمي تۇردە جاقسىلىق ۇشكەمپىروۆ اعامىزدىڭ اتىمەن اتالاتىن بولدى. بالۋان اعامىزدىڭ ارۋاعى رازى بولسىن! «ەر ەسىمى، ەل ەسىندە» دەگەن وسى!»، - دەدى پرەزيدەنتتىڭ باسپا ءسوز حاتشىسى.

ەستەرىڭىزگە سالا كەتسەك، نۇر-سۇلتان قالاسىنداعى «جەكپە-جەك» سارايىنا وليمپيادا چەمپيونى جاقسىلىق ۇشكەمپىروۆتىڭ ەسىمىن بەردى كوزدەگەن ۇكىمەت قاۋلىسىنىڭ جوباسى وسى جىلدىڭ قىركۇيەك ايىندا «اشىق ۇكىمەت» پورتالىندا قوعام تالقىلاۋىنا ۇسىنىلعان بولاتىن.

سونىمەن قاتار داڭقتى پالۋان دۇنيەگە كەلگەن جامبىل وبلىسىندا دا «تاراز- ارەنا» سپورت كەشەنىنە ونىڭ ەسىمىن بەرۋ ۇسىنىلعان. جامبىل وبلىسى اكىمدىگى مەن ءماسليحاتىنىڭ بىرلەسكەن ۇسىنىسى ءوڭىر ءماسليحاتىنىڭ كەزەكتەن تىس وتىرىسىندا ماقۇلدانعان.

ۇسىنىس رەسپۋبليكالىق ونوماستيكا كوميسسيانىڭ قاراۋىنا جولدانعان. گرەك- ريم كۇرەسىنەن تۇڭعىش وليمپيادا چەمپيونى، الەم چەمپيونى، قازاقستاننىڭ ەڭبەك ەرى، «بارىس»، «قۇرمەت» «پاراسات» وردەندەرىنىڭ يەگەرى ۇشكەمپىروۆ جاقسىلىق ءامىرالى ۇلى 1951 -جىلى 6-مامىردا قازاق ك س ر، جامبىل وبلىسى، سۆەردلوۆسك اۋدانى، چاپايەۆ كەڭشارىندا دۇنيەگە كەلگەن. بيىلعى 2-تامىزدا مەزگىلسىز ومىردەن ءوتتى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات