پسيحيكالىق ۇيىمعا ەمدەۋگە جىبەرىلمەيتىن اۋرۋلار تىزبەسى جاريالاندى
قۇجات قازاقستان رەسپۋبليكاسىنىڭ ەلەكتروندى نىسانداعى نورماتيۆتىك قۇقىقتىق اكتىلەردىڭ ەتالوندى باقىلاۋ بانكىندە ورنالاستىرىلعان، دەپ حابارلايدى قازاقپارات.
اتالعان بۇيرىققا سايكەس، پسيحيكالىق دەنساۋلىق سالاسىندا مەديتسينالىق كومەك كورسەتەتىن ۇيىمعا جىبەرىلمەيتىن پسيحيكالىق بەلسەندى زاتتاردى تۇتىنۋمەن بايلانىستى پسيحيكالىق، مىنەز- قۇلىقتىق بۇزىلۋشىلىقتارى (اۋرۋلارى) بار ادامدارعا قاتىستى مەديتسينالىق قارسى كورسەتىلىمدەردىڭ ءتىزىمى؛ پسيحيكالىق، مىنەز-قۇلىقتىق بۇزىلۋشىلىقتارى (اۋرۋلارى) بار ادامدارعا ديناميكالىق بايقاۋ، سونداي-اق ديناميكالىق بايقاۋدى توقتاتۋ قاعيدالارى بەكىتىلەدى.
پيسحيكالىق بەلسەندى زاتتى تۇتىنۋ فاكتىسىن جانە ماس بولۋ كۇيىن انىقتاۋ ءۇشىن مەديتسينالىق كۋالاندىرۋ جۇرگىزۋ قاعيدالارى؛ جىنىستىق سايكەستەندىرۋ بۇزىلۋلارى بار ادامدار ءۇشىن مەديتسينالىق كۋالاندىرۋ جانە جىنىستى اۋىستىرۋدى جۇرگىزۋ ءتارتىبى ناقتىلانادى. مۇنان بولەك، سوت قاۋلىسى بويىنشا مەرزىمىنەن بۇرىن ەمدەلدى دەپ شىعارىلعانداردان باسقا دەنساۋلىق ساقتاۋ سالاسىندا مەديتسينالىق كومەك كورسەتۋدىڭ ءماجبۇرلى ەمدەۋگە ارنالعان ۇيىمنان شىعارىلعاننان كەيىن ءماجبۇرلى ەمدەۋگە ۇشىراعان ادامداردىڭ قولداۋشى ەمدەۋدەن ءوتۋ قاعيدالارى بەكىتىلەدى. بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.