اقتاۋدا بالالار قۇرىلىس نىسانىنىڭ جوعارى قاباتىندا حوككەي ويناعان

None
None
اقتاۋ. قازاقپارات - اقتاۋدا قۇرىلىسى ءجۇرىپ جاتقان نىساننىڭ جوعارى قاباتىندا ويناپ جۇرگەن بالالاردىڭ ۆيدەوسى الەۋمەتتىك جەلىدە تاراپ كەتتى، دەپ حابارلايدى قازاقپارات.

وقيعا 1-جەلتوقسان كۇنى 15-شاعىناۋدانداعى عيماراتتاردىڭ بىرىندە بولعان. ۆيدەونى تۇسىرگەن تۇرعىن تەڭىز جاعالاۋىنداعى شاعىناۋدانداردىڭ بىرىندە قۇرىلىسى اياقتالماعان عيماراتتىڭ سوڭعى قاباتىندا كامەلەتكە تولماعان بالالاردىڭ حوككەي ويناپ جۇرگەنىن ايتادى. بۇل جايت تۇرعىنداردى شوشىتقان. ويتكەنى جەتكىنشەكتەر شىعىپ العان عيماراتتىڭ جوعارى قاباتى قورشالماعان. ال، ماڭعىستاۋ وبلىسىندا بىرنەشە كۇننەن بەرى قار ارالاس جاڭبىر جاۋىپ، كوكتايعاق بولدى. ال، پوليتسەيلەر كامەلەتكە تولماعانداردىڭ جەكە باسىن انىقتادى.

«9 جانە 14 جاستاعى ەكى بالا پوليتسياعا جەتكىزىلدى. ولاردىڭ اتا-انالارى شاقىرىلىپ، تۇسىندىرمە جۇمىستارى جۇرگىزىلدى. قۇرمەتتى اتا- انالار، بالالار مۇنداي جاعدايدىڭ قانشالىقتى ءقاۋىپتى ەكەنىن تۇسىنە بەرمەيدى. اتا-انالاردىڭ، ءبىلىم بەرۋ مەكەمەلەرىنىڭ، قۇقىق قورعاۋ ورگاندارىنىڭ، بۇقارالىق اقپارات قۇرالدارىنىڭ بىرلەسكەن كۇش- جىگەرىنىڭ ارقاسىندا عانا بالالاردىڭ ءوزىن- ءوزى ساقتاۋ ينستينكتىن دامىتىپ، قوعامدا دۇرىس مىنەز- قۇلىق داعدىلارىن قالىپتاستىرۋعا بولاتىنىنا سەنىمدىمىز»، - دەلىنگەن ۆەدومستۆونىڭ باسپا ءسوز حابارلاماسىندا.



اۆتور: قاراكوز مارات

سوڭعى جاڭالىقتار