نۇرسۇلتان نازاربايەۆ: تاۋلار مەنى وزىنە تارتىپ تۇرادى

«شتريحي ك پورترەتۋ» - نۇرسۇلتان نازاربايەۆتىڭ ءومىرى مەن قىزمەتىنە ارنالعان، قازاقستاننىڭ تۇڭعىش پرەزيدەنتى تۇلعاسىنىڭ بۇرىن كورەرمەنگە بەلگىسىز بولىپ كەلگەن قىرلارىن اشاتىن كوپ سەريالى دەرەكتى فيلم.

«جىل سايىن ءوزىمنىڭ تۋعان جەرىمە بارىپ تۇرامىن. اكەم مەن انامنىڭ باسىنا بارامىن. ءۇشقوڭىرعا شىعامىن. بۇكىل اتا-بابام ءۇشقوڭىر جايلاۋىندا جاتىر. سول جەردە وتىرامىن دا، قۋات الامىن. مۇمكىن بولسا قىمىز ىشەم. مەن ءۇشىن ومىرىمدەگى ەڭ راحات شاعىمنىڭ ءبىرى بۇل. بيىل سىرقاتتانىپ قالعان كەزىمدە سول جاققا ارنايى بارىپ، 10 شاقتى كۇندەي سول جايلاۋدا وتىرىپ، تازا اۋا جۇتىپ، دەمالدىم. وسىلايشا دەنساۋلىعىم قالپىنا كەلدى»، - دەيدى دەرەكتى فيلمدە ەلباسى.

نۇرسۇلتان نازاربايەۆ تاۋدا تۋىپ، تاۋدا وسكەنىن ەسىنە الادى.

«سوندىقتان تاۋلار مەنى وزىنە تارتىپ تۇرادى. سول تاۋلاردا ءبىر تىلسىم قۋات بار. بالالىق شاعىمنىڭ، جاستىق شاعىمنىڭ ەستەلىگى سوندا. تاۋلاردىڭ ءوز كەرەمەتى بار. ۇيرەنىپ قالعان ادامدى تاۋ وزىنە تارتىپ تۇرادى. ال دالامىزدىڭ ءوز كوركى بار. دالاعا بارساڭ (ەلوردادا) اسپان الىپ بولىپ كورىنەدى. ال الماتىدا بيىك-بيىك تاۋلاردىڭ ءوزى كوكجيەكتەردى جاۋىپ، اسپاننىڭ ءوزى اسا الىپ كورىنبەيدى»، - دەيدى نۇرسۇلتان نازاربايەۆ.

ەلباسىنىڭ باسپا ءسوز حاتشىسى ايدوس ۇكىباي Twitter- دەگى پاراقشاسىندا دەرەكتىڭ فيلمنىڭ ءبىرىنشى سەرياسىنىڭ تولىق نۇسقاسىمەن ءبولىستى.