پرەزيدەنت ۇجىمدىق قاۋىپسىزدىك تۋرالى شارت ۇيىمىنىڭ سەسسياسىنا قاتىسادى

بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى، دەپ حابارلايدى قازاقپارات.

سامميت بارىسىندا ۇ ق ش ۇ- عا مۇشە مەملەكەتتەردىڭ باسشىلارى حالىقارالىق جانە وڭىرلىك قاۋىپسىزدىك ماسەلەلەرى جونىندە پىكىر الماسىپ، ۇيىمنىڭ بيىلعى جۇمىسىنداعى باسىم باعىتتاردىڭ جۇزەگە اسىرىلۋىن قورىتىندىلايدى جانە الداعى كەزەڭگە ارنالعان جوسپارىن ايقىندايدى.

مەملەكەت باسشىسى ۇجىمدىق قاۋىپسىزدىك تۋرالى شارت ۇيىمىنداعى ارىپتەستەرىنە ۇيىمنىڭ جۇمىسى جونىندەگى وزەكتى ماسەلەلەر بويىنشا ەلىمىزدىڭ ۇستانىمىن جەتكىزىپ، ونى ءارى قاراي دامىتۋ ءۇشىن ءبىرقاتار ۇسىنىس ايتادى دەپ جوسپارلانۋدا.

جيىن قورىتىندىسى بويىنشا ۇ ق ش ۇ- نىڭ تيىمدىلىگىن ودان ءارى ارتتىرۋعا باعىتتالعان ءبىرقاتار قۇجات قابىلدانادى دەپ كۇتىلۋدە.