ەلباسى: ءبىلىمدى جاستاردىڭ ارقاسىندا عانا كەلەشەگىمىز باياندى بولادى

None
None
نۇر-سۇلتان. قازاقپارات - ەل باستايتىن دارىندى ءارى ءبىلىمدى جاستاردىڭ ارقاسىندا عانا كەلەشەگىمىز باياندى بولادى.

«Qazaqstan» ۇلتتىق ارناسىنداعى «تۇركىستان: كونە مەن كەلەشەك كوپىرى» دەرەكتى فيلمىندە ەلباسى نۇرسۇلتان نازاربايەۆ وسىلاي دەدى، دەپ حابارلايدى قازاقپارات ءتىلشىسى.

«ءاربىر 10 نەمەسە 20 جىلدا زىمىراپ زامان وزگەرىپ بارا جاتىر. اسىرەسە عىلىم مەن تەحنولوگياعا بايلانىستى. قازىرگى العان ءبىلىمىڭ 10 جىلدان كەيىن كەرەك بولا ما، بولماي ما؟! ۋنيۆەرسيتەت بىتىرگەن جاستاردىڭ ماماندىعى 10 جىلدان كەيىن كەرەك پە، كەرەك ەمەس پە؟ قازىرگى ساراپتاما بويىنشا ءاربىر 10 جىلدا ماماندىق وزگەرىپ تۇرادى. قازىرگى ماماندىقتار جوق بولادى. ورنىنا جاڭالارى كەلەدى. نە ىستەۋ كەرەك؟ سوعان بەيىمدەلۋىمىز كەرەك. جاستار بەيىم بولۋى ءۇشىن ەڭ نەگىزگى بىلىمگە ورىن بەرۋ كەرەك»، - دەدى نۇرسۇلتان نازاربايەۆ.

ەلباسىنىڭ ايتۋىنشا، جاستار ءۇشىن الدا ءبىر جاعىنان قيىنشىلىقتار، ەكىنشى جاعىنان عاجايىپ جاڭا ءومىر كەلە جاتىر.

«باسقاسىن قويىپ وسىنى ويلاۋ كەرەك. ول ءار جاستىڭ وزىنە دە، ەلىنە دە كەرەك. وسى 30 جىلدىڭ ىشىندە قازىر 30 عا كەلگەندەر باسقا قازاقتار، باسقا جۇرت، باسقا قازاقستاندىقتار. ۇقسامايدى بىزگە. نەگە مەن ولاردى شەتەلدە وقىتتىم؟ نەگە مىنا جەردە نازاربايەۆ ۋنيۆەرسيتەتىن سالدىم. دارىندى جاستار ءۇشىن مەكتەپتەردى اشتىم. سولاردىڭ ىشىنەن شىعىپ، ەل باستايتىن تالانتتى، ءبىلىمدى جاستار كوبىرەك بولسا، كەلەشەگىمىز باياندى بولادى»، - دەدى ەلباسى.

سوڭعى جاڭالىقتار