11:44, 01 - جەلتوقسان 2020 | GMT +6
قازاقپەن از گونورارعا كەزدەسكىسى كەلدى: پروموۋتەر گولوۆكينگە ۇسىنىستار تۋرالى ايتتى
نۇر-سۇلتان. قازاقپارات - پولشالىق بوكسشى كاميل شەرەمەتانىڭ پروموۋتەرى اندجەي ۆاسيليەۆسكي (21-0، 5 ك و) الەم چەمپيونى گەننادي گولوۆكينمەن (40-1-1، 35 ك و) جەكپە-جەك وتكىزۋگە ءوتىنىش بىلدىرگەندەر كوپ بولعانىن ايتتى، دەپ حابارلايدى قازاقپارات Sports.kz سايتىنا سىلتەمە جاساپ.
«گولوۆكينمەن جەكپە-جەك وتكىزۋدى قالايتىنداردىڭ كەزەگى قالىپتاستى. ونىڭ ايقاس وتكىزەتىن داتاسى جاقىنداعان سايىن، ال پولشا وكىلدەرى ا ق ش- قا ۇشىپ شىعا الماي جاتقاندا، جەكپە-جەك وتكىزگىسى كەلەتىن 10 بوكسشىدان ءوتىنىم ءتۇستى. ولار قازاقپەن اناعۇرلىم از گونورارعا ايقاس وتكىزۋدى ۇسىندى. ولار ءۇشىن باستىسى، جەكپە-جەككە قول جەتكىزىپ، اقشا تابۋ ەدى»، - دەدى اندجەي ۆاسيليەۆسكي «Przegląd Sportowy» - عا.
ەسكە سالايىق، گولوۆكين - شەرەمەتا كەزدەسۋى 18- جەلتوقسان كۇنى ا ق ش- تا، گولليۆۋدتا وتەدى.