09:30, 30 - قاراشا 2020 | GMT +6
كوروناۆيرۋستىڭ ءتورتىنشى تولقىنى: بارلىق مەكتەپ جابىلادى
شياڭگاڭ. قازاقپارات - شياڭگاڭ ارنايى اكىمشىلىك اۋدانىنىڭ (س ا ا ا، شياڭگاڭ) بارلىق مەكتەبى كوروناۆيرۋستىڭ ءتورتىنشى تولقىنى سالدارىنان سارسەنبىدەن باستاپ روجدەستۆو مەرەكەسى اياقتالعانعا دەيىن جابىلادى، دەپ حابارلايدى قازاقپارات SCMP - گە سىلتەمە جاساپ.
گونكونگ اكىمشىلىگىنىڭ باسشىسى كەرري لامنىڭ ايتۋىنشا، جاقىن ارادا بارلىق مەملەكەتتىك قىزمەتشىلەردى قاشىقتان جۇمىس ىستەۋگە كوشىرۋ جوسپارلانۋدا.
الەۋمەتتىك قاشىقتىق ەرەجەلەرىن ساقتاماعانى ءۇشىن جەرگىلىكتى تۇرعىندارعا جازا قاتايتىلۋى مۇمكىن.
الەۋمەتتىك قاشىقتىق ەرەجەلەرىن بۇزعان ادامدارعا ەكى مىڭ گونكونگ دوللارى (شامامەن 258 ا ق ش دوللارى) مولشەرىندە ايىپپۇل سالىنۋى مۇمكىن. سونىمەن قاتار، قارتتار مەن مۇگەدەكتەرگە ارنالعان ينتەرنات-ۇيلەردىڭ بارلىق قىزمەتكەرلەرى ەكى اپتا ىشىندە مىندەتتى تۇردە كوروناۆيرۋس تەستىلەۋىنەن وتەدى.
ەسكە سالا كەتەيىك، گونكونگتا ەپيدەميا باستالعاننان بەرى بارلىعى اۋرۋعا شالدىعۋدىڭ 6238 راستالعان جاعدايى جانە كوروناۆيرۋسقا بايلانىستى 109 ءولىم تىركەلدى.