تۇركىستان وبلىسىندا باستاۋىش سىنىپ وقۋشىلارىنا مەكتەپتە وقۋعا رۇقسات ەتىلدى
ءتيىستى قاۋلىعا ءوڭىردىڭ باس مەملەكەتتىك سانيتاريالىق دارىگەرى نۇربەك نىشانوۆ قول قويدى، دەپ حابارلايدى قازاقپارات ءتىلشىسى.
اتا- انالاردىڭ وتىنىشىمەن ءداستۇرلى فورماتتا وقيتىن سىنىپتاعى وقۋشىلار سانى 15-تەن اسپاۋى تالاپ ەتىلەدى. سونداي- اق، ءار پارتاعا ءبىر بالادان شاحمات رەجيمىندە وتىرعىزىلىپ، ساباق ۋاقىتى 40 مينۋتتان اسپاۋى ءتيىس.
وبلىستىق سانيتاريالىق- ەپيدەميولوگيالىق باقىلاۋ دەپارتامەنتىنىڭ تالابىنا سايكەس، ءداستۇرلى فورماتتا ساباق وقىتىلاتىن كەزەكشى سىنىپتاردا جانە شاعىن جيناقتالعان مەكتەپتەردە سانيتاريالىق- گيگيەنالىق تالاپتارى قاتاڭ ساقتالۋى قاجەت. وقۋ كابينەتتەرىندە انتيسەپتىگىمەن سانيتايزەرلەر ورناتىلۋى قاتاڭ قاداعالانعان. وقۋشىلار مەن مۇعالىمدەردىڭ دەنە قىزۋى كۇن سايىن ولشەنىپ، ارنايى جۋرنالعا تىركەلەدى. بەتپەردە ءار 2 ساعات سايىن اۋىستىرىپ، قولدانىلعان لاس ماسكالاردى ارنايى بەلگى قويىلعان قوراپتارعا تاستاۋ تالاپ ەتىلەدى.
اۆتور: اينۇر اقبايەۆا