پاتەرىنەن جىلىجاي جاساپ، ماريحۋانا وسىرگەن استانا تۇرعىنى ۇستالدى

None
None
نۇر- سۇلتان. قازاقپارات - «قۇقىقتىق ءتارتىپ» جەدەل- پروفيلاكتيكالىق ءىس- شاراسى اياسىندا ءتارتىپ ساقشىلارى پاتەردەن ەسىرتكى وسىرەتىن جىلىجاي تاپتى، دەپ حابارلايدى قازاقپارات ەلوردالىق پ د باسپا ءسوز قىزمەتىنە سىلتەمە جاساپ.

جاس جىگىت يمپروۆيزاتسيالانعان جىلىجايدا وسىرۋگە تىيىم سالىنعان وسىمدىكتەردى ءوسىرىپ، ولاردى پلاستيكالىق بوتەلكەلەرگە وتىرعىزعان. ونىڭ پاتەرىن ءتىنتۋ كەزىندە ماريحۋانانى وسىرۋگە قاجەتتى قۇرال- جابدىقتار تابىلدى، مىسالى، تەرمورەتتەگىش، اۋا جىبەرەتىن جەلدەتكىش، كۇن ساۋلەسىن اۋىستىرۋعا ارنالعان ەنەرگيا ۇنەمدەيتىن شام، ەسىرتكىنى قولدانۋعا ارنالعان قۇرىلعىلار، سونداي- اق پايدالانۋعا دايىن ەسىرتكى تابىلدى.

ۇستالعان ادامنىڭ ايتۋىنشا، ول ينتەرنەتتەن ماريحۋانانىڭ «ەليتالىق» سۇرىپتارىن ساتىپ العان جانە سول جەردەن ەسىرتكى ءوسىرۋ تاسىلدەرى تۋرالى بىلگەن. سودان كەيىن ول ماريحۋانانى جەكە پايدالانۋ ءۇشىن دە، ونى ەلوردانىڭ «شىعارماشىلىق» ستۋدەنتتەرى اراسىندا ساتۋ ءۇشىن دە وسىرگەن. مەديتسينالىق ساراپتاما كورسەتكەندەي، ۇستاۋ كەزىندە «ەسىرتكى جىلىجايىنىڭ» يەسى ەسىرتكى تۇتىنعان ماس كۇيىندە بولعان.


قىلمىستىق ءىستى تەرگەۋ اياسىندا قىزمەتكەرلەر ەلوردا اۋماعىندا ەسىرتكى وتكىزۋگە قاتىسى بار قىلمىستىق تىزبەكتىڭ باسقا دا سىبايلاستارىن انىقتاۋ، سونداي- اق ونى ءوندىرۋ ءۇشىن «ەسىرتكى شيكىزاتى» تۇقىمدارىن جەتكىزۋ ارنالارىن انىقتاۋ جانە جويۋ بويىنشا جەدەل ىزدەستىرۋ ءىس- شارالارىن جۇرگىزەدى. ۇستالعان ازاماتقا قاتىستى ق ر ق ك 296 جانە 300-بابىنىڭ 2-تارماعى بويىنشا قىلمىستىق ءىس قوزعالدى، ول 8 جىلعا دەيىنگى مەرزىمگە باس بوستاندىعىنان ايىرۋعا اكەپ سوعادى. سوتقا دەيىنگى تەرگەۋ امالدارى جۇرگىزىلۋدە.

اۆتور: اياۋلىم التىنبەك

سوڭعى جاڭالىقتار