الماتىدا ۇرلانعان قىمبات كولىك جامبىل وبلىسىنان تابىلدى

جامبىل وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، الماتى قالاسىندا ۇرلانعان قىمبات كولىك جامبىل وبلىسىنان تابىلدى.

«جامبىل وبلىسىنىڭ پد پوليتسەيلەرى رەسپۋبليكالىق ماڭىزى بار «باتىس ەۋروپا- باتىس قىتاي» اۆتوجولىنىڭ 345-شاقىرىمىندا مەركى اۋدانىنىڭ 31 جاستاعى تۇرعىنىنىڭ باسقارۋىنداعى «Land Rover Range Rover» ماركالى اۆتوكولىگىن توقتاتتى. تەكسەرۋ بارىسىندا جۇرگىزۋشىنىڭ باسقارۋىنداعى اۆتوكولىكتىڭ قۇجاتتارى بولماعانى انىقتالدى. باعدارلار اقپاراتى كولىكتىڭ الماتى قالاسىندا ۇرلانعان كولىك رەتىندە تىركەۋدە تۇرعانىن كورسەتتى»، - دەلىنگەن ۆەدومستۆو حابارلاماسىندا.

اتالعان دەرەك الماتى قالاسىنىڭ اۋەزوۆ اۋدانىندا ۇرلىق وقيعاسى رەتىندە تىركەلىپ، ق ر ق ك- ءنىڭ 188-بابى 3-بولىگى (ۇرلىق) بويىنشا سوتقا دەيىنگى تەرگەۋ باستالعان. بۇگىندە ۇستالعان ازامات تا، ۇرلانعان اۆتوكولىك تە تىركەلگەن اۋماعى بويىنشا الماتى قالاسىنا جەتكىزىلدى.

اۆتور: سايا سەمباي