ق ر قاۋىپسىزدىك كەڭەسى قىلمىسقا قارسى ءىس- قيمىل ماسەلەلەرىن تالقىلادى

قازاقپارات بۇل تۋرالى اقورداعا سىلتەمە جاساپ حابارلايدى. جيىنعا ورتالىق مەملەكەتتىك، قۇقىق قورعاۋ جانە جەرگىلىكتى اتقارۋشى ورگاندار باسشىلارىنىڭ ورىنباسارلارى، سونداي- اق وبلىستاردىڭ، رەسپۋبليكالىق ماڭىزى بار قالالاردىڭ پروكۋرورلارى جانە وڭىرلىك پوليتسيا دەپارتامەنتتەرىنىڭ باستىقتارى قاتىستى.

قازاقستان پرەزيدەنتى قاسىم- جومارت توقايەۆ ءوزىنىڭ قىركۇيەكتەگى قازاقستان حالقىنا ارناعان جولداۋىندا الەۋمەتتىك- ەكونوميكالىق دامۋدىڭ بىردە- ءبىر اسپەكتىسى زاڭ ۇستەمدىگىنسىز جانە ازاماتتارىمىزدىڭ قاۋىپسىزدىگىنە كەپىلدىكسىز ءساتتى ىسكە اسىرىلمايتىنىن ەرەكشە اتاپ ءوتتى. جالپى، قۇقىق قورعاۋ جۇيەسى ءتيىستى مىندەتتەردى ورىنداۋدا. بۇل بيىلعى 10 ايدىڭ ىشىندە قىلمىستىق قۇقىق بۇزۋشىلىقتاردى تىركەۋدىڭ 2020 -جىلدىڭ 10 ايىنداعى كورسەتكىشى 2019 -جىلدىڭ وسى كەزەڭىمەن سالىستىرعاندا 32,4 پايىزعا ازايعانىن كورسەتەدى. بۇل رەتتە، قاراقشىلىق سانى 53,9 پايىزعا، توناۋ - 48,5 پايىزعا، ۇرلىق - 51,0 پايىزعا، بۇزاقىلىق - 41,4 پايىزعا، زورلاۋ - 36,2 پايىزعا ازايدى. سونىمەن قاتار، قۇقىقتىق ءتارتىپتى ودان ءارى نىعايتۋ ماقساتىندا جۇمىستى جانداندىرۋدى قاجەت ەتەتىن قۇقىق قورعاۋ قىزمەتىنىڭ باعىتتارىن انىقتاۋ جۇمىستارى جالعاسۋدا.

قاتاڭ كارانتيندىك شەكتەۋلەر كەزەڭىندە وتباسىلىق- تۇرمىستىق سالادا جاسالعان قىلمىستىق قۇقىق بۇزۋشىلىقتاردىڭ الدىن الۋ، انىقتاۋ جانە جولىن كەسۋ ماسەلەلەرىنە ەرەكشە نازار اۋدارىلادى. الاياقتىق قىلمىس دەڭگەيى الىدە جوعارى (27 مىڭنان استام قۇقىق بۇزۋشىلىق) . قىلمىس جاساۋدىڭ مىناداي تاسىلدەرى كەڭ تارالعان:

تەلەفون الاياقتىعى جانە كيبەر- الاياقتىق، سونداي- اق ينۆەستيتسيالىق جانە وزگە دە قارجىلىق قىزمەت تۇرلەرىن سىلتاۋ ەتۋ ارقىلى قارجى پيراميدالارىن قۇرۋ. سوڭعى جىلدارى قىلمىستىڭ جەكەلەگەن تۇرلەرىنە (مۇلىكتىك قىلمىستاردىڭ سارالانعان قۇرامدارى، جىنىستىق قاتىناس قىلمىستارى جانە ت. ب. ) نەعۇرلىم ءتيىمدى قارسى تۇرۋ ءۇشىن ولار اۋىر قىلمىستار ساناتىنا اۋىستىرىلدى. اۋىر قىلمىستاردى تىركەۋدىڭ ارتۋىنا سەبەپ بولعان بۇل زاڭنامالىق وزگەرىستەر سوتقا دەيىنگى تەرگەپ- تەكسەرۋ ورگاندارىنان ءتيىستى قىلمىستىق ارەكەتتەردى اشۋ، جولىن كەسۋ جانە تەرگەپ- تەكسەرۋ جۇمىستارىنداعى تاسىلدەردى جەدەل قايتا قاراۋدى تالاپ ەتەدى. وسىعان بايلانىستى قاۋىپسىزدىك كەڭەسىنىڭ حاتشىسى قۇقىق قورعاۋ ورگاندارىنىڭ باسشىلارىنا اۋىر قىلمىس جاساعان تۇلعالاردى انىقتاۋ جونىندەگى جۇمىستىڭ تيىمدىلىگىن ارتتىرۋ جانە وسىنداي ارەكەتتەر بويىنشا جازانىڭ بۇلتارتپاستىعىن قامتاماسىز ەتۋ جونىندە ناقتى تاپسىرمالار بەردى.

اسەت يسەكەشيەۆ ازاماتتاردىڭ كوپشىلىگىنە بىلە تۇرا مۇلىكتىك زالال كەلتىرۋگە باعىتتالعان الاياقتىقتىڭ الدىن الۋ جانە ۋاقىتىلى جولىن كەسۋ قاجەتتىگىنە ەرەكشە نازار اۋداردى. تالقىلاۋ بارىسىندا جەرگىلىكتى اتقارۋشى ورگانداردىڭ باسشىلىعىنا ازاماتتاردىڭ قاۋىپسىزدىگىنە نەعۇرلىم تەرىس اسەر ەتەتىن قىلمىس تۇرلەرى بويىنشا الدىن الۋ شارالارىنا ەرەكشە نازار اۋدارۋ ۇسىنىلدى (كوشەدە جانە وزگە دە قوعامدىق ورىنداردا جاسالاتىن پايداكۇنەمدىك- زورلىق قىلمىستار، كامەلەتكە تولماعاندارعا قارسى، سونداي- اق ولاردى قىلمىستىق ىسكە تارتۋمەن بايلانىستى قىلمىستار) .

سونىمەن قاتار، قاۋىپسىزدىك كەڭەسىنىڭ حاتشىسى اسەت يسەكەشيەۆ كەڭەسكە قاتىسۋشىلارعا جول قوزعالىسى قاۋىپسىزدىگىن قامتاماسىز ەتۋ جۇمىستارىن جالعاستىرۋدى تاپسىردى. 2020 -جىلدىڭ 10 ايىنىڭ قورىتىندىسى بويىنشا جول- كولىك وقيعالارىنىڭ سانى (13391 دەن 10408 گە دەيىن نەمەسە 22,3 پايىزعا) جانە وندا جاراقاتتانعان (17797 دەن 1359 -عا دەيىن نەمەسە 23,6 پايىزعا) ، قازا تاپقان (1846 دان 1524 كە دەيىن نەمەسە 17,4 پايىزعا) تۇلعالاردىڭ سانى ەداۋىر ازايعانى تىركەلدى. الايدا، بۇل نەگىزىنەن، قاتاڭ كارانتيندىك شەكتەۋلەر كەزەڭىندە كولىك قاتىناسى قارقىنىنىڭ تومەندەۋىنە بايلانىستى. سونىمەن قاتار، ەلىمىزدىڭ جولدارىنداعى جول- كولىك وقيعالارى سالدارىنان قازا بولعاندار مەن زارداپ شەككەندەردىڭ سانى ءالى دە كوپ بولىپ وتىر. كولىك جۇرگىزۋشىلەرىنىڭ جول ءتارتىبى ساقتاماۋىنا جانە جول جەلىسى قاۋىپسىزدىگىنىڭ تومەن دەڭگەيىنە بايلانىستى پروبلەمالار ساقتالۋدا. و

سى رەتتە كەڭەسكە قاتىسۋشىلاردىڭ وي- پىكىرى زاڭعا باعىنۋدى ناسيحاتتاۋ جانە قالالار مەن ءىرى ەلدى مەكەندەردەگى كوشە- جول جەلىسىن رەتتەۋ پروبلەمالارىن شەشۋ ءۇشىن بىرلەسكەن شارالار قابىلداۋعا باعىتتالدى. جيىن سوڭىندا قاۋىپسىزدىك كەڭەسىنىڭ حاتشىسى ەلىمىزدەگى قۇقىقتىق ءتارتىپتى جاقسارتۋ، ازاماتتاردىڭ قاۋىپسىزدىگىنە كەپىلدىك بەرۋ جانە قوعامداعى قىلمىستىق دەڭگەيدى تومەندەتۋ ءۇشىن قاراستىرىلعان ماسەلەلەردىڭ ماڭىزدىلىعىن اتاپ ءوتتى.