ەلباسى «قازاقستان» تەلەارناسىنا سۇحبات بەردى

فيلمدە ەلباسى وبلىس مارتەبەسىنە يە بولعان تۇركىستان قالاسىنىڭ قايتا جاڭعىرۋى، تاريحي شەشىمنىڭ ءمانى مەن ماڭىزى، كونە شاھاردىڭ تۋريستىك الەۋەتى مەن حالىقارالىق ارەناداعى بەدەلى، قالانىڭ كەلەشەك جوسپارلارى تۋرالى جان- جاقتى باياندايدى.

سونىمەن قاتار نۇرسۇلتان نازاربايەۆ تەلەارناعا بەرگەن سۇحباتىندا تۇركىستاننىڭ ورتالىق ازياداعى جانە تۇركى الەمىندەگى ورنى، «تۇركى الەمىنىڭ كيەلى جەرلەرى» جوباسى، «كەرۋەن- ساراي» كوپفۋنكتسيونالدىق تۋريستىك كەشەنىنىڭ الەۋەتى، قالا اۋماعىن كوگالداندىرۋ جانە تۇركىستان قالاسىن تۇركى الەمىنىڭ مادەني- رۋحاني ورتالىعى رەتىندە دامىتۋ جوبالارىنىڭ ناتيجەسى مەن ولاردىڭ ازاماتتاردىڭ ءال- اۋقاتىن جاقسارتۋداعى ىقپالى تۋرالى تۋرالى ايتادى.

دەرەكتى تۋىندى «قازاقستان» ارناسىنان 1 - جەلتوقسان ساعات 20:00-دە ەفيرگە شىعادى. ەسكە سالايىق، 1 - جەلتوقسان كۇنى سونداي- اق ساعات 21:40-تا «حابار» تەلەارناسىندا جۋرناليست ايگۇل ءادىلوۆانىڭ «پورترەتتىڭ شتريحتارى» دەرەكتى فيلمىنىڭ ءبىرىنشى سەرياسىنىڭ پرەمەراسى وتەدى.

اۆتور: مارلان جيەمباي