قوسشى اۋىلى ەلورداعا قوسىلا ما - اكىم جاۋابى

«بۇل ماسەلە تۇرعىنداردىڭ كوبىسىن الاڭداتىپ ءجۇر. بۇل ەلدى مەكەندە 50 مىڭنان استام ادام تۇرىپ جاتىر. وسى اۋىلعا قاتىستى جاعدايدى مەملەكەت باسشىسى، ۇكىمەت باسشىلىعى ەرەكشە باقىلاۋدا ۇستاپ تۇر. بۇل تۇرعىدا بىرنەشە رەت تالقىلاۋلار دا بولدى، ياعني اۋىلدىڭ قارجىلىق ءارى ەكونوميكالىق باعىتتارى ەسەپتەلدى. الايدا وسى ماسەلەنى ۇلتتىق ساناق جۇرگىزگەنگە دەيىن شەگەردىك. ءبىز الدىمەن ول ەلدى مەكەندە قانشا ادام تۇرىپ جاتقانىن ناقتى انىقتاۋىمىز كەرەك»، - دەدى اكىم ورتالىق كوممۋنيكاتسيالار قىزمەتىندە.

ونىڭ ايتۋىنشا، شارۋاشىلىق كىتاپتاعى ءتىزىم بويىنشا قوسشىدا 36 مىڭ ادام تۇرىپ جاتىر. ۇيلەردى ارالاۋ كەزىندەگى مالىمەتتە 60 مىڭ ادام بار ەكەنى انىقتالدى. ال كوممۋنيكاۋيا مەن تەلەفوندار بويىنشا 55 مىڭ ادام تىركەلگەنى بەلگىلى بولدى.

«وسى ءارتۇرلى مالىمەتتى ەسكەرىپ، اۋىلدا قانشا ادام تۇراتىنىن ايقانداۋ قاجەتتىگى بار. وسىنىڭ بارلىعىن پىسىقتاپ، ءتيىستى شەشىم قابىلدانادى»، - دەدى ەرمەك مارجىقپايەۆ.

ەسكە سالا كەتەيىك، ەلىمىزدە ۇلتتىق ساناق جۇرگىزۋ ءبىر جىل كەيىنگە قالدى. ۇكىمەت وتكەن جىلى 19 - ماۋسىمدا 2020 -جىلى ۇلتتىق ساناق وتكىزۋ تۋرالى قاۋلى شىعارعان. وعان سايكەس، قازاقستان رەسپۋبليكاسىنىڭ ۇلتتىق حالىق ساناعى بيىلعى 1-30 - قازان ارالىعىندا وتۋگە ءتيىس ەدى. ەلىمىزدە كوروناۆيرۋس ينفەكسياسىنىڭ تارالۋى مەن ەنگىزىلگەن كارانتين شارالارىنا بايلانىستى ۇلتتىق حالىق ساناعىن 2021 -جىلعى قازان ايىنا اۋىستىرۋ جونىندە شەشىم قابىلداندى.

اۆتور: رۋسلان عابباسوۆ