14:43, 27 - قاراشا 2020 | GMT +6
دەمالىس كۇندەرى ەل اۋماعىندا بوران سوعىپ، قالىڭ قار جاۋادى
نۇر-سۇلتان. قازاقپارات - 28-30-قاراشاعا ارنالعان اۋا رايى بولجامى جاريالاندى، دەپ حابارلايدى قازاقپارات قازگيدرومەتكە سىلتەمە جاساپ.
قاراشا ايىنىڭ سوڭىندا قازاقستان اۋماعىنىڭ باسىم بولىگى وڭتۇستىك سيكلوننىڭ ىقپالىندا بولادى. ول وزىمەن بىرگە قار اكەلەدى، جەكەلەگەن وڭىرلەردە قالىڭ قار جاۋادى. سونداي-اق كوكتايعاق بولىپ، بوران سوعادى. جەل كۇشەيەدى. الايدا كەزەڭنىڭ ورتاسىنان باستاپ اۋا رايىن كەڭ انتيسيكلون انىقتاي باستايدى. سونىڭ اسەرىنەن جاۋىن-شاشىن توقتايدى جانە اۋا تەمپەراتۋراسى تومەندەيدى.