گولوۆكيننىڭ قارسىلاسى جايلى نە بىلەمىز؟

None
None
نۇر-سۇلتان. قازاقپارات - ورتا سالماقتا IBO جانە IBF نۇسقاسى بويىنشا چەمپيوندىق اتاققا يە گەننادي گولوۆكين 18- جەلتوقسان كۇنى جەكپە-جەككە شىعادى.

وتانداسىمىزدىڭ قارسىلاسى - كاميل شەرەمەتا. بوكس جانكۇيەرلەرى پولياك بىلعارى قولعاپ شەبەرى جايلى حابارى از. Massaget.kz سايتى گولوۆكيننىڭ قارسىلاسى جايلى اقپاراتتى نازارىڭىزعا ۇسىنادى.

كاميل شەرەمەتا اۋەسقوي بوكستا 192 جەكپە-جەك وتكىزىپ، ونىڭ تەك 22 ندە جەڭىلگەن.

جەتىستىكتەرىنىڭ ىشىنەن پولشا چەمپيوناتىنىڭ التىن جانە قولا جۇلدەسىن اتاپ وتۋگە بولادى. بۇعان قوسا 2010-جىلى وتكەن «فەليكس شتامم» جارىسىنداعى جەڭىسى بار. فينالدا شەرەمەتا قازاقستاندىق سەرىك ساپيەۆتى جەڭگەن بولاتىن.

كاسىپقويداعى العاشقى جەكپە-جەگىن 2012-جىلى وتكىزدى. بۇگىنگى تاڭعا دەيىن ول 21 قارسىلاسىن جەڭگەن. ونىڭ بەسەۋىن سۇلاتىپ تۇسىرگەن. ورتا سالماقتا EBU ەۋروپا چەمپيونى بەلبەۋى بار.

شەرەمەتا - كاسىپقوي بوكستىڭ ورتاڭقول وكىلى. ۇزاق ۋاقىت ورتا دەڭگەيلى جەكپە-جەكتەر وتكىزىپ، تيتۋل الۋعا مۇمكىندىگىن كۇتىپ ءجۇردى. ال گولوۆكين بەلبەۋ جەڭىپ الۋ ءۇشىن ونىڭ مانسابىنداعى جالعىز مۇمكىندىگى. بوكس ساراپشىلارى شەرەمەتانىڭ قورعانىسى مەن شابۋىلعا توسىننان شىعاتىن قابىلەتىن ايتادى. وسىنىڭ ارقاسىندا كاميل كاسىبي بوكستا بىردە-ءبىر كەزدەسۋىندە جەڭىلىس تاپپاعان.

پولياك بوكسشى ءۇشىن گولوۆكينگە قارسى جەكپە-جەك ءوزىن بوكس الەمىنە تانىتۋدىڭ بىردەن ءبىر جولى. بۇعان قوسا كاميل بۇعان دەيىن ا ق ش- تا شارشى الاڭعا شىقپاعان. دەگەنمەن ول تيتۋلدىق جەكپە-جەك وتكىزۋگە دايىن. قازىر كاميل شەرەمەتا WBC جانە WBA تۇجىرىمدارىنىڭ ۇزدىك ۇشتىگىنە كىرەدى.

massaget.kz

سوڭعى جاڭالىقتار