پرەمەر-ءمينيستردى ولتىرەم دەپ قورقىتقان ادام ۇستالدى
«مەن گازەتتەردىڭ باستى بەتىنە شىعامىن. مۇنى جالعىز جاسامايمىن. مەن سەنى كۇتەمىن، دە كروو»، - دەپ جازعان بەلگىسىز ەر ادام بەلگيا پرەمەر-ءمينيسترىنىڭ ەلەكتروندى پوشتاسىنا.
بەلگيالىق ب ا ق- تىڭ حابارلاۋىنشا، ەر ادامدى فەدەرالدى پوليتسيانىڭ تەرروريزمگە قارسى ءبولىمى دەرەۋ ۇستاعان. قۇقىق قورعاۋ ورگاندارى ونىڭ كاسىپكەر ەكەنىن انىقتادى.
ۇستالعان ادامنىڭ بيزنەسىنە ەلدەگى قابىلدانعان شەكتەۋ شارالارى كەرى اسەرىن تيگىزگەن.
مينيسترلەر كابينەتى باسشىسىنا جازعان حاتىندا ەر ادام ونىڭ كومپانياسىن قۇردىمعا كەتىرگەن كوروناۆيرۋسپەن كۇرەس شارالارىنا شاعىمدانعان. سونداي-اق ول كوپتەگەن ادامنىڭ اتالعان تالاپتاردى ساقتامايتىنىن جازعان. حاتتى اشۋلانىپ جوعارىدا كورسەتىلگەندەي قوقان-لوققىلارمەن اياقتاعان.
وسى ارەكەتىنەن كەيىن كاسىپكەردى قاۋىپسىزدىك قىزمەتكەرلەرى ءوز ۇيىندە تۇتقىندادى.
ەسكە سالا كەتەيىك، قازىرگى ۋاقىتتا بەلگيادا پاندەميانىڭ «ەكىنشى تولقىنىن» توقتاتۋعا ارنالعان قاتاڭ شەكتەۋلەر بار. ازىق-تۇلىكتەن باسقا دۇكەندەر جابىلدى، كاسىپورىنداردىڭ كوپشىلىگىنە قاشىقتان جۇمىس ىستەۋ تۋرالى نۇسقاۋ بەرىلدى. ەرتەڭ بەلگيا ۇكىمەتى «لوكداۋنعا» قاتىستى قازىرگى جاعدايدى قاراستىراتىن وتىرىس وتكىزەدى جانە كەيبىر شەكتەۋلەردى «جەڭىلدەتۋ» تۋرالى شەشىم قابىلدانۋى مۇمكىن.