پاۆلوداردا كىشكەنتاي بالاسىن ايالداماعا تاستاپ كەتكەن ايەل تابىلدى

None
None
پاۆلودار. قازاقپارات - پاۆلودار وبلىسىندا ايالدامادان تابىلعان 1 جاسار ءبۇلدىرشىننىڭ اناسىنىڭ قايدا ەكەنى انىقتالدى، دەپ حابارلايدى قازاقپارات.

ايتا كەتەيىك، كەشە كەشكى 21:25 شاماسىندا پاۆلودار قالاسىنداعى ترامۆاي ايالداماسىنان كىشكەنتاي بالا تابىلعان بولاتىن.

«VITA پاۆلودار قالاسىنىڭ ىزدەۋشىلەرى» قوعامدىق بىرلەستىگىنىڭ جەتەكشىسى ەكاتەرينا كۋدرياۆتسيەۆانىڭ سوزىنە سەنسەك، ولارعا بالانىڭ اجەسى حابارلاسقان. ولار سول ارقىلى ءسابيدىڭ اناسىن تاپقان. بالانىڭ اتى - باتىر.


«ايالدامادان تابىلعان بالا وبلىستىق بالالار اۋرۋحاناسىنا جەتكىزىلدى. ءبىزدىڭ ىزدەۋشى جاساق پاۆلودار پوليتسەيلەرىمەن بىرگە ايەلدىڭ قايدا ەكەنىن انىقتاپ، تاپتى. قۇرمەتتى انالار! قانداي جاعداي بولسا دا، بالاڭىزدى مىناداي سۋىقتا دالاعا بۇلاي تاستاپ كەتپەڭىزدەر»، - دەيدى ەكاتەرينا كۋدرياۆتسيەۆا.


ايەلدىڭ بالانى قالاي ايالداماعا جالعىز قالدىرىپ، كەتىپ بارا جاتقانى كامەراعا ءتۇسىپ قالعان.

سوڭعى جاڭالىقتار