قازاقستان مەن موڭعوليانىڭ ىسكەرلىك كەڭەسى قۇرىلۋى مۇمكىن
وتىرىستا ەكى ەلدىڭ اراسىنداعى ساۋدا- ەكونوميكالىق، عىلىمي- تەحنيكالىق جانە مادەني ىنتىماقتاستىق جونىندەگى ماسەلەلەرى تالقىلاندى. ونلاين رەجيمدەگى ۇكىمەتارالىق كوميسسيانىڭ جۇمىسىندا قازاقستان مەن موڭعوليانىڭ توتەنشە جانە وكىلەتتى ەلشىلەرى، سونداي- اق ەكى ەلدىڭ مۇددەلى مەملەكەتتىك ورگاندارى مەن ۇيىمدارىنىڭ وكىلدەرى قاتىستى. مينيستر باقىت سۇلتانوۆ ءوزىنىڭ العى سوزىندە ءتۇرلى سالالارداعى ەكى جاقتى ىنتىماقتاستىقتى نىعايتۋعا دەگەن ۇمتىلىسىن راستادى. قازاقستان مەن موڭعوليا اراسىنداعى ىنتىماقتاستىقتى كەڭەيتۋدىڭ ماڭىزدى تەتىگى رەتىندەگى ۇكىمەتارالىق كوميسسيانىڭ ءرولىن اتاپ ءوتتى. وتىرىس اياسىندا تاراپتار قازاقستان مەن موڭعوليا اراسىنداعى ەكى جاقتى ىنتىماقتاستىقتىڭ كەڭ اۋقىمىن تالقىلادى. تاراپتار ۇكىمەتارالىق كوميسسيانىڭ وتىرىسى ق ر پرەمەر- ءمينيسترى اسقار ءماميننىڭ موڭعولياعا الداعى ساپارىنا دايىندىق كەزەڭدەرىنىڭ ءبىرى بولىپ تابىلاتىنىن اتاپ ءوتتى. ساۋدا جانە ينۆەستيتسيالىق ىنتىماقتاستىقتى دامىتۋ جانە كەڭەيتۋ، سونداي- اق كووپەراتسيالىق جوبالاردى قۇرۋ ماقساتىندا قازاقستان مەن موڭعوليا اراسىنداعى 2021-2024 -جىلدارعا ارنالعان ساۋدا- ەكونوميكالىق ىنتىماقتاستىقتى جانداندىرۋ جونىندەگى جول كارتاسىنا قول قويۋ مۇددەلىلىگى دە اتالىپ ءوتتى.
«ءبىز سونىمەن بىرگە ىسكەرلىك بايلانىستاردى قولداۋ جانە ورناتۋ، بيزنەس ءۇشىن قولجەتىمدى مۇمكىندىكتەر، جوبالار مەن بىرلەسكەن كاسىپورىنداردى جۇزەگە اسىرۋ مۇمكىندىكتەرى تۋرالى اقپارات الماسۋ ءۇشىن جاقسى الاڭ رەتىندە قىزمەت ەتەتىن قازاقستان - موڭعول ىسكەرلىك كەڭەسىن قۇرۋدى جوسپارلاپ وتىرمىز» ، - دەدى مينيستر باقىت سۇلتانوۆ.
2019 -جىلى قازاقستان مەن موڭعوليا اراسىنداعى تاۋار اينالىمى % 21,1 عا تومەندەپ، 76 ميلليون ا ق ش دوللارىن قۇراعان. 2020 -جىلدىڭ 9 ايىندا ءوزارا ساۋدا 24,8 ميلليون ا ق ش دوللارىن كورسەتكەن. قازاقستاننان موڭعولياعا ەكسپورت 23,5 ميلليون ا ق ش دوللارى، يمپورت 1,3 ميلليون ا ق ش دوللارىنا جەتكەن. وتىرىس قورىتىندىسى بويىنشا ونلاين فورماتتا حاتتاماعا قول قويىلدى.