دونالد ترامپ اكىمشىلىگى دجو بايدەنگە بيلىكتى بەرۋ پروتسەسىن باستادى

وسى ورايدا ا ق ش- تىڭ جاڭادان سايلانعان پرەزيدەنتى دجو بايدەن ءوزىنىڭ اكىمشىلىگىندە ماڭىزدى لاۋازىمدارعا ۇسىنىلاتىن كانديداتتاردى تانىستىردى.

بۇل تۋرالى ا ق ش- تىڭ فەدەرالدى قىزمەت كورسەتۋ اگەنتتىگىنىڭ باسشىسى ەميلي ميۋرفي رەسمي حاتىندا مالىمدەدى. اتاپ ايتقاندا، ولاردىڭ اراسىندا بولاشاق مەملەكەتتىك حاتشى ەنتوني بلينكەن مەن ۇلتتىق قاۋىپسىزدىك جونىندەگى پرەزيدەنت كەڭەسشىسى دجەيك سالليۆان بار. بۇل تۇلعالار ەندى قاڭتار ايىندا بايدەن انت بەرگەن ساتتەن كەيىن قىزمەتىنە كىرىسەدى.

ايتا كەتەيىك، كۇنى كەشە قازىرگى پرەزيدەنت دونالد ترامپ بيلىك ترانزيتىن باستاۋ تۋرالى شەشىم قابىلداعان بولاتىن. قازىرگى مەملەكەت باسشىسى دونالد ترامپ ءوز اكىمشىلىگىنە وسىنداي نۇسقاۋ بەرگەن. بۇعان دەيىن وسى ىسكە جاۋاپتى اكىمشىلىكتىڭ ورتاق ماسەلەلەرى جونىندەگى باسقارما باستىعى سايلاۋ قورىتىندىسى تولىق شىقپاعانىن ايتىپ، ودان باس تارتىپ كەلگەن ەدى. بۇل رەتتە دونالد ترامپ شتابى كەي شتاتتاردا سايلاۋ بيۋللەتەندەرىن ساناۋعا قاتىستى سوتقا شاعىمدارىن جالعاستىرۋدا. ال جەرگىلىكتى زاڭعا سايكەس ءار شتات جەلتوقساننىڭ 12-سىنە دەيىن پرەزيدەنتتىك سايلاۋ ناتيجەسىن بەكىتۋى ءتيىس. جاڭا پرەزيدەنتتى ۇلىقتاۋ ءراسىمى قاڭتاردىڭ 20- كۇنى وتەدى.

وسىدان كەيىن بايدەن پرەزيدەنتتىڭ قاۋىپسىزدىك جانە بارلاۋ جونىندەگى كۇندەلىكتى بريفينگتەرىنە، سونداي- اق نەگىزگى شەنەۋنىكتەرگە بۇيرىق بەرۋ قۇقىعىنا يە بولدى. مامانداردىڭ ايتۋىنشا، پرەزيدەنتتىك بيلىكتىڭ دجو بايدەنگە تەز ارادا ءوتۋى ەلدەگى كۇننەن- كۇنگە ۋشىعىپ بارا جاتقان كوروناۆيرۋس جاعدايىنا تىكەلەي اسەر ەتەدى.

دجو بايدەن، ا ق ش- تاعى پرەزيدەنتتىك سايلاۋدىڭ جەڭىمپازى:

- ا ق ش- تىڭ ۇلتتىق قاۋىپسىزدىگى مەن دامۋىنا جاۋاپتى جاڭا كابينەت مۇشەلەرىمەن تانىس بولىڭىزدار. بۇل ازاماتتار مەنىڭ ويعا العان ماقساتتارىمدى جۇزەگە اسىرۋعا كومەكتەسەتىنىنە سەنىمدىمىن. ا ق ش- تىڭ مەملەكەتتىك حاتشىسى لاۋازىمىنا انتوني بلينكەندى تاڭدايمىن. ال ۇلتتىق قاۋىپسىزدىك حاتشىسى رەتىندە الەحاندرو مايوركاستى كورگىم كەلەدى. بۇل - وتە جاۋاپتى قىزمەت. ال ۇلتتىق بارلاۋ قىزمەتىنىڭ ديرەكتورى العاش رەت ايەل بولادى. ول جۇمىستى اۆريل حاينەس اتقارادى.

www.24.kz