مايك تايسون مەن روي دجونستىڭ جەكپە- جەگىن قازاقستاندىقتار تىكەلەي ەفيردەن كورە الادى

29 - قاراشادا كاليفورنياداعى كارسون قالاسىندا Dignity Health Sports Park ارەناسىندا 54 جاستاعى مايك تايسون مەن 51 جاستاعى روي دجونس اراسىنداعى جەكپە- جەك وتەدى. كەزدەسۋ ەلوردا ۋاقىتىمەن 07:50-دە باستالادى.

كاسىپقوي بوكسشىلاردىڭ جۇدىرىقتاسۋ كەشىن «قازاقستان» جانە «قازسپورت» تەلەارنالارى تىكەلەي ەفيردە كورسەتەدى. جەكپە- جەك فورماتى - 2 مينۋتتان 8 راۋندتى قۇرايدى. سپورتشىلار رينگكە شلەمسىز جانە 12 ۋنتسيا قولعاپپەن شىعادى. جەڭىمپاز ءۇشىن بۇكىلالەمدىك بوكس كەڭەسىنىڭ (WBC) ارنايى بەلبەۋى تابىستالادى. بۇل بەلبەۋ Frontline Battle Belt (مايدان شەبىندەگى شايقاس بەلبەۋى) دەپ اتالدى.

ايتا كەتسەك بۇعان دەيىن مايك تايسون شارشى الاڭعا ورالاتىنى تۋرالى سۇحبات بەرگەن ەدى.

«مەن سالماقتان ارىلا باستادىم. سوسىن كۇيەۋبالام ماعان 30-40 ميلليون دوللار ءۇشىن جۇدىرىقتاسۋعا ۇسىنىس بولىپ جاتقانىن جەتكىزدى. ول ماعان بۇل ادامنىڭ بوب ساپ ەكەنىن ايتتى. اقىرى، ءبىز ونىمەن جۇدىرىقتاساتىنىمىز تۋرالى كەلىستىك. دايىندىق پەن ءوزىڭدى قالپىنا كەلتىرۋ - ەكى ءتۇرلى نارسە. ءوزىڭدى قالپىنا كەلتىرۋ - بۇل كۇندەلىكتى كيىمىڭدى كيگەنمەن تەڭ. ال بۇرىنعى قالپىنا ورالۋ - ءوز جانىڭنىڭ سىرتىنا شىعىپ كەتكەنمەن بىردەي. بۇنى اۆتوماتتى تۇردە جاساۋ مۇمكىن ەمەس»، - دەپ اتاپ ءوتتى مايك تايسون.

اۆتور: ايان بەكەن ۇلى