ەلورداداعى ءدامحانادا بولعان جارىلىس: تاعى ءبىر ادام كوز جۇمدى

None
None
نۇر-سۇلتان. قازاقپارات - ەلوردادا وتكەن دەمالىس كۇندەرى ءدامحانانىڭ بىرىندە جارىلىس بولىپ، ءبىر ادام كوز جۇمعان ەدى.

قالالىق قوعامدىق دەنساۋلىق ساقتاۋ باسقارماسى بۇگىن سول جارىلىس سالدارىنان اۋىر جاراقات العان تاعى ءبىر ادامنىڭ قايتىس بولعانىن راستادى، دەپ حابارلايدى قازاقپارات ءتىلشىسى.

«ناۋقاس جانساقتاۋ بولىمىندە كوز جۇمدى. پاتسيەنت وتە اۋىر جاعدايدا اۋرۋحاناعا تۇسكەن. ناۋقاستا باسسۇيەك ميىنىڭ اۋىر جاراقاتى بولعان. اۋرۋحاناعا تۇسكەن ساتتەن باستاپ ونى 2№ كوپبەيىندى قالالىق اۋرۋحانا جانە ۇلتتىق نەيروحيرۋرگيا ورتالىعىنىڭ ماماندارى قارادى. ءبىراق جۇرگىزىلگەن بارلىق ەمدەۋ شارالارىنا قاراماستان ناۋقاستى امان الىپ قالۋ مۇمكىن بولمادى»، - دەيدى باسقارمانىڭ باسپا ءسوز حاتشىسى.

قازىر، جارىلىستان زارداپ شەككەن قالعان ەكى ناۋقاس جانساقتاۋ بولىمىندە جاتىر.

ايتا كەتەيىك، 21 - قاراشادا استاناداعى ءدامحانانىڭ بىرىندە گاز باللونى جارىلىپ، 1 ادام قازا تاپتى. زارداپ شەككەن 23 ادام اۋرۋحانالارعا ەمدەلۋگە جاتقىزىلدى. وسى وقيعادان كەيىن نۇر-سۇلتان اكىمى التاي كولگىنوۆ قازا تاپقان قىزدىڭ وتباسىنا كومەك كورسەتىلەتىندىگىن مالىمدەدى. ول توتەنشە جاعدايلار دەپارتامەنتى مەن پوليتسيا دەپارتامەنتىنە قالاداعى باسقا دا قوعامدىق تاماقتانۋ نىساندارىندا ءورت قاۋىپسىزدىگى ەرەجەسىنىڭ ساقتالۋىن تەكسەرۋدى تاپسىردى.

ال 23 - قاراشادا قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى جارىلىستا كۇيىپ قالعان 3 ادام جانساقتاۋ بولىمىندە جاتقانىن حابارلاعان ەدى.

ق ر توتەنشە جاعدايلار مينيسترلىگى ەلوردادا جارىلىس بولعان ءدامحانادان ءورت سوندىرۋشىلەردىڭ 35 گاز باللونىن الىپ شىققانىن جاريا ەتتى.

سوڭعى جاڭالىقتار