كوروناۆيرۋستىڭ اعزاعا ەنۋىن تەجەيتىن زات تابىلدى

None
None
نۇر-سۇلتان. قازاقپارات - شۆەيتسارياداعى جەنيەۆا ۋنيۆەرسيتەتىنىڭ عالىمدارى SARS- CoV-2 سياقتى ۆيرۋستاردىڭ جاسۋشالارعا ەنۋىنە جول بەرمەيتىن پرەپاراتتاردى تاپتى.

بۇل ينگيبيتورلار قازىر قولدانىلاتىن دارىلەرگە قاراعاندا بەس مىڭ ەسە ءتيىمدى. بۇل تۋرالى Chemical Science جۋرنالىندا جاريالانعان.

جاسۋشالارعا ەنۋ ءۇشىن ۆيرۋستار وتتەگى اتومى كۇكىرت اتومىمەن الماستىرىلاتىن تيولدار، سپيرتتەردىڭ انالوگتارى ارقىلى جاسۋشالىق ءسىڭىرۋ دەپ اتالاتىن مەحانيزمدى قولدانادى. كۇكىرت قوسىلىستارى ەۋكاريوت جاسۋشالارىنىڭ مەمبراناسىندا، باكتەريالاردا جانە ۆيرۋس قابىعىندا بولادى. تيولدار مەن سۋلفيدتەردىڭ ءوزارا ارەكەتتەسۋى سۋبستراتتىڭ جاسۋشاعا سينتەز (ەندوتسيتوز) ارقىلى نەمەسە مەمبرانا ارقىلى تىكەلەي ءوتىپ، ەنۋىنە مۇمكىندىك بەرەتىن پروتسەستى قوزدىرادى.

ا ي ت ۆ جانە ديفتەريا تاياقشاسىنىڭ توكسيندەرى تيولداردىڭ ارقاسىندا جاسۋشالارعا ەنەدى. الايدا، قۇرامىندا كۇكىرت بار زاتتاردىڭ جاسۋشالىق قابىلداۋعا قاتىسۋى وسى كۇنگە دەيىن داۋلى بولىپ سانالدى.

زەرتتەۋشىلەر كوروناۆيرۋسقا قارسى پايدالى بولۋى مۇمكىن ينگيبيتورلاردى ىزدەدى. ولار تيول توپتارىن انىقتاۋعا ارنالعان ەلمان رەاكتيۆىنەن 500 ەسە كۇشتى جانە ولارمەن بايلانىستى جاسۋشالىق ءسىڭىرۋ مەحانيزمىن تەجەۋگە قابىلەتتى زاتتاردى تاپتى. تەستتەر ينگيبيتورلاردىڭ ءبىرى ۆيرۋستىڭ جاسۋشالارعا ەنۋىنە توسقاۋىل قويا الاتىنىن كورسەتتى.

عالىمداردىڭ ايتۋىنشا، عىلىمي جۇمىستىڭ ناتيجەلەرى جاڭا ۆيرۋسقا قارسى پرەپاراتتاردى جاساۋعا كومەكتەسەدى.

stan.kz

سوڭعى جاڭالىقتار